અટારી બોર્ડર પર BSF ની મોટી કાર્યવાહી, બે ઘૂસણખોરોને ઠાર કર્યા

નવી દિલ્હી: અટારી બોર્ડર પર બીએસએફે બુધવારે રાતે ઘૂસણખોરીની કોશિશ કરી રહેલા બે ઘૂસણખોરોને ઠાર કર્યા. બંને ઘૂસણખોરો પાસેથી મોટી સંખ્યામાં હથિયારો મળી આવ્યા છે. BSFએ સર્ચ અભિયાન ચલાવ્યું છે. સૂત્રોના જણાવ્યાં મુજબ અમૃતસરની અટારી સરહદ નજીક ગત રાતે ધુમ્મસની આડમાં બે ઘૂસણખોરો વિસ્તારમાં ઘૂસવાની કોશિશ કરતા હતા. ત્યારે જ બીએસએફએ ચેતવણી આપી. ચેતવણી બાદ ફાયરિંગ શરૂ થઈ ગયું. કાર્યવાહીમાં બંને ઘૂસણખોરો ઘટનાસ્થળે જ ઠાર થયા. 

આ ઘટના બાદ ગુરુવારે સવારે બીએસએફના ટોચના અધિકારીઓ ઘટનાસ્થળે પહોંચી રહ્યા છે. સૂત્રોના જણાવ્યા મુજબ બંને ઘૂસણખોરો પાસેથી મોટી સંખ્યામાં હથિયારો મળ્યા છે. અત્રે જણાવવાનું કે આંતરરાષ્ટ્રીય સરહદ પર ઘૂસણખોરીની કોશિશ તેજ થઈ છે. બીએસએફ તરફથી માર્યા ગયેલા બંને ઘૂસણખોરો અંગે  એક વાગે પત્રકાર પરિષદ થશે.