Maggi ના શોખીનો સાવધાન, સ્વાદનો ચસ્કો લઈ શકે છે તમારો જીવ! જાણી લો ખુદ ઉત્પાદક કંપનીએ શું કહ્યું...

નવી દિલ્લીઃ Nestle કંપનીની Maggi પર ફરી એકવાર ઉઠી રહ્યાં છે સવાલો. કંપનીએ ખુદ સ્વીકાર કર્યો કે તેમના 60 ટકા પ્રોડક્ટ્સ બિન આરોગ્ય પ્રદ છે, એટલેકે હેલ્ધી નથી. ખાવા લાયક નથી. એનો સીધો અર્થ એ પણ થાય કે આ ઉત્પાદનો ખાવાથી સ્વાસ્થ્યને નુકસાન થાય છે.

ફૂડ પ્રોડક્ટ્સની વિશ્વ વિખ્યાત કંપની, Nestle એ સ્વીકાર્યું છે કે તેનો 60 ટકા ખોરાક અને પીણા ઉત્પાદનો સ્વાસ્થ્યપ્રદ નથી. એટલે કે, આ ઉત્પાદનો ખાવાથી સ્વાસ્થ્યને નુકસાન થાય છે. Nestle કંપની તરફથી કહેવાયું છે કે તે તેના ઉત્પાદનમાં પોષક મૂલ્યની તપાસ કરી રહી છે. અને સમગ્ર વ્યૂહરચના બદલવાની તૈયારી ચાલી રહી છે. ઉત્પાદનોને શક્ય તેટલા સ્વાદિષ્ટ અને સ્વસ્થ બનાવવા માટે તમામ પ્રયાસ ચાલુ છે.

એક રિપોર્ટમાં કહેવાયું છે કે રાષ્ટ્રીય ખાદ્ય પીણાંના 37 ટકા ઉત્પાદનોનું રેટિંગ 3.5 છે. તે ઓસ્ટ્રેલિયાની હેલ્થ સ્ટાર રેટિંગ સિસ્ટમ દ્વારા જાહેર કરાયું છે. જેમાં 5 નંબર સુધી આ રેટિંગ્સ આપવામાં આવે છે. એવું કહેવામાં આવે છે કે આ સિસ્ટમનો ડેટા આંતરરાષ્ટ્રીય જૂથોમાં મોટા પ્રમાણમાં ઉપયોગ થાય છે.

નેસ્લેના બે ઉત્પાદનો વિશ્વના દરેક ખૂણામાં પ્રખ્યાત છે. તેમના મેગી અને નેસ્કાફે છે. કંપનીએ સ્વીકાર્યું છે કે તેના 60 ટકા ખાદ્ય અને પીણા ઉત્પાદનો સ્વાસ્થ્યની કેટેગરીમાં આવતા નથી. કંપનીએ કહ્યું છે કે કેટલાક ઉત્પાદનો એવા હોય છે કે તે ક્યારેય સ્વસ્થ હોતા નથી. પછી ભલે તે ઉત્પાદનને સુધારવા માટે કેટલા પ્રયત્નો કરવામાં આવે. આ અહેવાલ અંગે નેસ્લેના પ્રવક્તાએ કહ્યું છે કે કંપની તેના ઉત્પાદનોના તમામ પોર્ટફોલિયોને જોઈ રહી છે. લોકોને ઉત્પાદનમાં જરૂરી પોષક તત્વો અને સંતુલિત આહાર મળશે, તેની કાળજી લેવામાં આવશે.

કંપનીના પ્રવક્તાએ જણાવ્યું હતું કે, અનેક દાયકાઓ સુધી, લોકોને પોષણયુક્ત ઉત્પાદનો આપવાનો અમારો પ્રયાસ રહ્યો છે, આ માટે આપણે સતત કામ પણ કરીએ છીએ. ઉદાહરણ તરીકે, અમે અમારા ઉત્પાદનમાં ખાંડ અને સોડિયમની માત્રા ઘટાડી છે. છેલ્લાં બે દાયકામાં આ કાર્ય મુખ્યત્વે કરવામાં આવ્યું છે. છેલ્લા 7 વર્ષોમાં ખાંડ અને સોડિયમની માત્રામાં 14-15 ટકાનો ઘટાડો થયો છે.

તાજેતરનાં વર્ષોમાં, અમે બાળકો અને તેમના પરિવારો માટે હજારો ઉત્પાદનોનો પ્રારંભ કર્યો છે. આ ઉત્પાદનોમાં, સંપૂર્ણ કાળજી લેવામાં આવી છે કે પોષક મૂલ્યમાં કોઈ ખામી નથી. નેસ્લે કંપનીએ ‘Recognized definition of health’નો ઉલ્લેખ કર્યો છે. જેમાં ઉત્પાદને 3.5 ની રેટિંગ આપવામાં આવી છે. એટલે કે, આ રેટિંગના ઉત્પાદનોને આરોગ્યપ્રદ ગણી શકાય.

કંપનીએ કરેલી રજૂઆતમાં એવું કહેવામાં આવ્યું છે કે તેના 70 ટકા ખાદ્ય ઉત્પાદનો, 96% પીણાં, 99 ટકા કન્ફેક્શનરી અને આઈસ્ક્રીમ આરોગ્યનાં ધોરણોને પૂર્ણ કરતા નથી. એકમાત્ર અપવાદરૂપ શુદ્ધ કોફી છે જે આરોગ્ય ધોરણને પૂર્ણ કરે છે. જો કે, 60 ટકા ડેરી ઉત્પાદનો અને 82 ટકા પાણીના ઉત્પાદનો આરોગ્ય 3.5 ના ધોરણને અનુસરે છે. આ અહેવાલને ધ્યાનમાં રાખીને, કંપનીએ કહ્યું છે કે તે તેના આખા પ્રોડક્ટ પોર્ટફોલિયોમાં ખાસ કરીને ફૂડ એન્ડ ડ્રિંક્સ વિભાગમાં ફેરફાર કરવાની તૈયારી કરી રહી છે. આ ઉત્પાદનોની ન્યુટ્રિશનલ પ્રોફાઇલિંગ કરવામાં આવશે અને તેમાં સુધારો કરવામાં આવશે.