West Bengal Assembly Election: બંગાળમાં સાથે લડશે કોંગ્રેસ અને લેફ્ટ, ગઠબંધનને મળી મંજૂરી

કોલકત્તાઃ આગામી વર્ષે યોજાનાર પશ્ચિમ બંગાળ વિધાનસભા ચૂંટણી  (West Bengal Assembly Election)માં કોંગ્રેસ અને લેફ્ટ એક સાથે મળીને ચૂંટણી લડશે. કોંગ્રેસના વરિષ્ઠ નેતા અને પશ્ચિમ બંગાળ એકમના અધ્યક્ષ અધીર રંજન ચૌધરી (Adhir Ranjan Chowdhury)એ ગુરૂવારે આ વાતની જાહેરાત કરી છે. તેમણે ટ્વીટ કરીને કહ્યું, 'આજે કોંગ્રેસના મોવડીમંડળે પશ્ચિમ બંગાળ વિધાનસભા ચૂંટણીમાં લેફ્ટ પાર્ટીઓ સાથે ચૂંટણી ગઠબંધનને ઔપચારિક મંજૂરી આપી છે.'

2016મા સાથે લડ્યા હતા કોંગ્રેસ અને લેફ્ટ
મહત્વનું છે કે અધીર રંજન ચૌધરી પાર્ટીના અધ્યક્ષ હતા, જ્યારે વર્ષ 2016મા લેફ્ટ અને કોંગ્રેસે સાથે મળીને વિધાનસભા ચૂંટણી લડી હતી. પરંતુ 2019ની લોકસભા ચૂંટણીમાં અનેક પ્રયત્નો છતાં બંન્ને પાર્ટીઓ વચ્ચે ગઠબંધન થઈ શક્યું નહીં.