પાર્લરમાં ₹17,500 આપીને કરાવ્યું ફેશિયલ મસાજ, સુંદરતા સાઇડમાં રહી સ્કીન બળી ગઇ

નવી દિલ્હીઃ મુંબઈની માયાનગરીમાંથી એક ભયાનક સમાચાર સામે આવ્યા છે. એક મહિલા ચહેરાના મસાજ માટે બ્યુટી પાર્લર (Beauty Parlor) માં ગઈ હતી. તે રૂ. 17,500ની હાઇડ્રાફેશિયલ ટ્રીટમેન્ટ (HydraFacial treatment) હતી. પરંતુ થોડા સમય બાદ મહિલાની ચામડી બળવા લાગી. જ્યારે મહિલાએ તેને ડોક્ટરને બતાવ્યું તો જાણવા મળ્યું કે ફેશિયલ મસાજથી ત્વચાને કાયમી નુકસાન થયું છે. આ પછી પીડિત મહિલાએ બ્યુટી સલૂન વિરુદ્ધ FIR નોંધાવી છે. આ ઘટના 17 જૂનની છે. મહિલાએ કામધેનુ શોપિંગ સેન્ટરના ગ્લો લક્સ સલૂનમાં આ ફેશિયલ મસાજ કરાવ્યું હતું.

પરમેનેન્ટ ડેમેજ થઇ સ્કીન
બ્યુટી સલૂનમાં ચહેરાની મસાજ કરાવ્યા પછી, મહિલાને તેની ત્વચા પર બળતરાની લાગણી થઈ. જ્યારે બળતરા વધવા લાગી તો મહિલાએ સ્કિન એક્સપર્ટને બતાવ્યું. ડોક્ટરે જણાવ્યું કે ફેશિયલ ટ્રીટમેન્ટથી ત્વચાને કાયમી નુકસાન થયું છે. ડૉક્ટરે મહિલાની ત્વચાની બળતરા અને સ્કીનને પહોંચેલા નુકસાનની સારવાર કરાવી. ત્યારબાદ મહિલાએ સ્થાનિક MNS કોર્પોરેટર પ્રશાંત રાણેની મદદથી સલૂન સામે એફઆઈઆર નોંધાવી હતી.

ટ્વિટર યુઝર્સે કરી આ કોમેન્ટ્સ
રાણેએ ટ્વિટર પર આ ભયાનક ઘટના વિશે પોસ્ટ કર્યું હતું, જે પછીથી હટાવવામાં આવ્યું હતું. ટ્વીટમાં લખ્યું હતું કે, 'એક મહિલા અંધેરી લોખંડવાલા માર્કેટ કામધેનુ શોપિંગ સેન્ટરના ગ્લો લક્સ સલૂનમાં ફેશિયલ કરાવવા ગઈ હતી. ગુણવત્તા હિન ઉત્પાદનો અને તકનીકોના ઉપયોગને કારણે ત્વચા બળી ગઈ. મનીકંટ્રોલના જણાવ્યા અનુસાર, આ ટ્વિટર પોસ્ટ પર મોટી સંખ્યામાં યૂઝર્સે આ ઘટના પર શોક વ્યક્ત કર્યો અને સલૂન સામે કાર્યવાહીની માંગ કરી. એક યુઝરે લખ્યું, 'ભયાનક, માય ગોડ! 17,500 રૂપિયા ચૂકવ્યા બાદ પણ મહિલાની ચામડી બળી ગઈ હતી.