IAS collector: કેવી રીતે બની શકાય જિલ્લા કલેક્ટર, કઈ પરીક્ષાઓ કરવી પડે પાસ અને કેટલો મળે છે પગાર
Sarkari Naukri, IAS Officer, District Collector: યુપીએસસી પરીક્ષા પાસ કર્યા બાદ આઈએએસ ઓફિસર બનનાર યોગ્ય ઉમેદવાર પોતાના અનુભવ અને ક્ષમતાના આધાર પર પ્રમોશન હાસિલ કરે છે. જો તમે યુપીએસસીની પરીક્ષાની તૈયારી કરી રહ્યાં છો તો જાણીએ કોણ હોય છે જિલ્લા કલેક્ટર, તેને શું સુવિધા અને પગાર મળે છે.
નવી દિલ્હીઃ Monthly salary of IAS collector:કોઈ પણ જિલ્લામાં સૌથી મોટુ સરકારી પદ એ જિલ્લા કલેક્ટર છે. જિલ્લામાં કલેક્ટરનું પદ ખૂબ જ મહત્વપૂર્ણ છે, પરંતુ શું તમે એ જાણો છો કે DMનો માસિક પગાર કેટલો હોય છે? સરકાર દ્વારા તેમને કઈ સુવિધાઓ આપવામાં આવે છે? વાસ્તવમાં કલેક્ટર IAS અધિકારી છે. મીડિયા રિપોર્ટ્સ અનુસાર, જો તમામ ભથ્થાં એકસાથે લેવામાં આવે તો એક IAS અધિકારીને શરૂઆતમાં 1 લાખ રૂપિયાથી વધુનો માસિક પગાર આપવામાં આવે છે.
તેમણે જિલ્લાની અનેક પ્રકારની જવાબદારીઓ સંભાળવાની હોય છે. આમાં સૌથી મહત્વની બાબત રેવન્યુ કોર્ટની કામગીરી છે. 7મા પગાર પંચ મુજબ IAS અધિકારીઓને 56,100 રૂપિયા બેઝિક સેલરી તરીકે મળે છે. આ સિવાય તેમને TA, DA અને HRA પણ આપવામાં આવે છે.
કલેક્ટરને આટલી બધી સુવિધાઓ મળે છે
કલેક્ટર બનેલા IAS અધિકારીને સરકાર દ્વારા બંગલો આપવામાં આવે છે.
સરકારી વાહન પણ આપવામાં આવે છે.
કાર, ડ્રાઈવર અને નોકર ઘરના કામ માટે આપવામાં આવે છે.
આ ઉપરાંત સરકારી બંગલામાં પટાવાળા, માળી, રસોઈયા અને અન્ય કામો માટે સહાયકોની સુવિધા આપવામાં આવે છે.
આ પણ વાંચોઃ 10 પાસ, ITI નું છે સર્ટિફિકેટ તો ISRO માં મેળવો નોકરી, મળશે 69000 પગાર
જિલ્લા કલેક્ટર કેવી રીતે બની શકાય?
જિલ્લામાં મહેસૂલ વ્યવસ્થાપન સંબંધિત સૌથી મોટી પોસ્ટ કલેક્ટર પાસે છે. તેમનું કામ જિલ્લાને સારી રીતે સંચાલિત કરવાનું છે. આ જ કારણ છે કે કલેક્ટરને રાજ્યના એક જિલ્લાની જવાબદારી સોંપવામાં આવે છે. તમને જણાવી દઈએ કે જિલ્લા કલેક્ટર બનવા માટે UPSC પરીક્ષા પાસ કરવી પડે છે.
કલેક્ટરનો કેટલો હોય છે માસિક પગાર
7મા પગાર પંચ મુજબ જિલ્લાના કલેક્ટરને દર મહિને લગભગ 80 હજાર રૂપિયાનો પગાર આપવામાં આવે છે. જો કે, કેબિનેટ સેક્રેટરીના પદ પર પહોંચતા સુધીમાં તેમનો પગાર 2 લાખ 50 હજાર રૂપિયા થઈ જાય છે.
કલેક્ટરનું શું કામ છે
જિલ્લાના કલેક્ટરને રેવન્યુ કોર્ટની જવાબદારી સોંપવામાં આવે છે.
રાહત અને પુનર્વસનની કામગીરી પણ જુએ છે.
જિલ્લા બેંકર સંકલન સમિતિની અધ્યક્ષતા કરે છે.
જિલ્લા આયોજન કેન્દ્રની અધ્યક્ષતાની જવાબદારી પણ કલેક્ટર પાસે છે.
જમીન સંપાદન અને જમીન મહેસૂલની વસૂલાતમાં મધ્યસ્થીની ભૂમિકા કલેકટરની પરંપરાગત મુખ્ય જવાબદારી રહી છે.
આ પણ વાંચોઃ ગુગલના CEO સુંદર પિચાઈને હવે રોજ 5 કરોડ રૂપિયા પગાર મળશે, Googleએ વધારી સેલેરી
જમીન રેકોર્ડ મેનેજમેન્ટ
કૃષિ લોનનું વિતરણ.
આબકારી જકાતની વસૂલાત.
લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube