IRCTC Ladakh Tour Package: લદ્દાખ જવું છે તો આ છે ગોલ્ડન પેકેજ, આટલા સસ્તામાં કોઈ નહીં લઈ જાય

Booking IRCTC Ladakh Tour Package: ઉત્તર ભારતનો ક્રેઝ હંમેશાં લોકોમાં રહ્યો છે. સૌથી વધારે પ્રવાસી ઉત્તર ભારત ફરવા જાય છે. એમાંયે જ જમ્મુ કાશ્મીરના સ્વર્ગમાં ફરવાનું હોય તો મન ખુશીઓથી ભરાઈ જાય. હાલમાં ના ગરમી અને ના ઠંડીના માહોલમાં ઉત્તર ભારતમાં લોકો ખૂબ જ જઈ રહ્યાં છે. લદ્દાખના ખડકાળ રસ્તાઓ પર બાઇક ચલાવવાનું અને પેંગોંગ તળાવના વાદળી પાણીની સુંદરતા નજીકથી જોવાનું દરેક પ્રવાસીનું સપનું હોય છે, પરંતુ બહુ ઓછા લોકો તેને પૂરા કરી શકે છે.

આ રીતે બુક કરો
તમે આ ટ્રાવેલ પેકેજ માટે IRCTCની ઓફિશિયલ વેબસાઈટ દ્વારા બુક કરી શકો છો. આ સિવાય IRCTC ટુરિસ્ટ ફેસિલિટેશન સેન્ટર, ઝોનલ ઓફિસ અને રિજનલ ઓફિસ દ્વારા પણ બુકિંગ કરાવી શકાય છે. પેકેજ સંબંધિત વધુ માહિતી માટે, તમે IRCTCની સત્તાવાર વેબસાઇટની મુલાકાત લઈ શકો છો. આમ જો તમે લદાખ ફરવા જવાના હો અને કોઈ પણ પ્રકારની સમસ્યાનો સામનો ન કરવો હોય તો આ પેકેજ તમારા માટે ઉત્તમ છે. તમારે કોઈ પણ અસુવિધાનો સામનો કરવો નહીં પડે. IRCTCના પેકેજનો લાભ એ છે કે તે સસ્તા હોય છે જેને પગલે સામાન્ય માણસને પણ પરવડે છે. 

તમારે જવું તો હોય છે પણ જો તમે લાંબા સમયથી લદ્દાખ જવાનો તમારો પ્લાન ટાળી રહ્યા છો તો તમારા માટે IRCTC એક સુવર્ણ મોકો લઈને આવ્યું છે. તમે એપ્રિલથી મે સુધી કોઈપણ સમયે તમારો પ્લાન બનાવી શકો છો. તમારે ફક્ત દિવસ નક્કી કરવાનો છે. આ પેકેજમાં તમારે ફ્લાઈટથી જવું પડશે અને ખાવા-પીવા સહિતની દરેક સુવિધા ઉપલબ્ધ હશે.

કેટલા ભરવા પડશે રૂપિયા
જો તમે આ યાત્રા પર એકલા જઈ રહ્યા છો તો તમારે 56,700 રૂપિયા ચૂકવવા પડશે. જ્યારે બે વ્યક્તિએ પ્રતિ વ્યક્તિ 51,500 રૂપિયા ચૂકવવા પડશે. ત્રણ વ્યક્તિઓએ 50,800 રૂપિયા પ્રતિ વ્યક્તિ ફી ચૂકવવી પડશે. તમારે બાળકો માટે અલગથી ફી ભરવાની રહેશે. બેડ સાથે (5-11 વર્ષ) તમારે 49,500 રૂપિયા ચૂકવવા પડશે અને બેડ વિના તમારે 44,400 રૂપિયા ચૂકવવા પડશે. IRCTCએ આ ટ્રાવેલ પેકેજની જાણકારી આપતા ટ્વીટ કર્યું છે. જેમાં કહેવામાં આવ્યું છે કે જો તમે લદ્દાખનો સુંદર નજારો જોવા માંગતા હોવ તો IRCTCના આ શાનદાર ટ્રાવેલ પેકેજનો લાભ લઈ શકો છો.

પેકેજનું નામ - IRCTCના સાથે લદાખ ડિસ્કવર – LTC મંજૂર 
પેકેજ અવધિ - 6 રાત અને 7 દિવસ
મુસાફરી કેવી રીતે - ફ્લાઇટ
કયા સ્થાનો શામેલ છે - લેહ, લદ્દાખ

આ ફરવા જવાના પેકેજમાં રાઉન્ડ ટ્રીપ ટિકિટનો સમાવેશ થાય છે. રહેવા માટે ઉત્તમ હોટેલ ઉપલબ્ધ થશે. આ પેકેજમાં બ્રેકફાસ્ટ, લંચ અને ડિનર પણ ઉપલબ્ધ હશે. તમને મુસાફરી વીમાની સુવિધા પણ મળશે. મુસાફરી માટે વાહનની સુવિધા પણ ઉપલબ્ધ રહેશે. જેને પગલે તમારે રૂપિયા આપીને ફક્ત હરવા ફરવાનું ટાઈમ ટેબલ નક્કી કરવાનું છે.