IRCTC Nepal Tour Package: કુદરતી સૌદર્યનો ખજાનો છે આ જગ્યા, જીવનમાં એકવાર કરજો પ્રવાસ નહીંતર પસ્તાશો

Nepal Tour Offer: નેપાળમાં પ્રકૃતિની સુંદરતા ઉપરાંત ઘણા ધાર્મિક સ્થળો છે, જ્યાં મોટી સંખ્યામાં લોકો દર્શન કરવા જાય છે. જો તમે ફેબ્રુઆરી કે માર્ચ મહિનામાં નેપાળ જવાની યોજના બનાવી રહ્યા છો તો તમારી પાસે એક સુવર્ણ તક છે. વાસ્તવમાં, ભારતીય રેલ્વેનું એક ઉપક્રમ IRCTC નેપાળનું અદ્ભુત ટૂર પેકેજ લઈને આવ્યું છે. આના દ્વારા તમે દિલ્હીથી નેપાળ જઈ શકો છો. આ પેકેજમાં તમને કાઠમંડુ, પોખરા જેવા સ્થળોની મુલાકાત લેવાની તક મળશે.

IRCTCએ ટ્વીટ કરીને આ પેકેજ વિશે જાણકારી આપી છે. આ સફરમાં તમને કાઠમંડુ અને પોખરા લઈ જવામાં આવશે. આ પેકેજ સંપૂર્ણ 6 દિવસ અને 5 રાત માટે છે. આમાં તમને દિલ્હીથી કાઠમંડુની ફ્લાઈટ ટિકિટ મળશે. આ પેકેજમાં તમને પશુપતિનાથ મંદિરની મુલાકાત લેવાની તક પણ મળશે.

ટૂર પેકેજની ખાસ વાતો
પેકેજનું નામ – Best of Nepal Ex Delhi (NDO04)
કેટલા દિવસની રહેશે ટૂર - 5 રાત અને 6 દિવસ
પ્રસ્થાન તારીખ - 16 ફેબ્રુઆરી/28 માર્ચ, 2024
મીલ પ્લાન - નાસ્તો અને રાત્રિભોજન
મુસાફરી મોડ - ફ્લાઇટ
ક્લાસ- ઇકોનોમી

કેટલો થશે ખર્ચ
ટૂર પૅકેજ માટેનો ટેરિફ પેસેન્જરે પસંદ કરેલા ઑક્યુપન્સી મુજબ હશે. પેકેજ 36,500 રૂપિયા પ્રતિ વ્યક્તિથી શરૂ થશે. ટ્રિપલ ઓક્યુપન્સી પર વ્યક્તિ દીઠ ખર્ચ રૂ. 36,500 છે. ડબલ ઓક્યુપન્સી માટે વ્યક્તિ દીઠ રૂ. 37,000 ચૂકવવા પડશે. જ્યારે સિંગલ ઓક્યુપન્સી માટે વ્યક્તિ દીઠ ખર્ચ રૂ 45,700 છે. 5 થી 11 વર્ષના બાળક માટે બેડ સાથે 26,500 રૂપિયા અને 2 થી 4 વર્ષના બાળક માટે બેડ વગર 23,500 રૂપિયા છે.