Viral Video: પાયલોટે રનવેને બદલે રોડ પર દોડાવ્યું પ્લેન, કેમેરામાં કેદ થયો ભયાનક અકસ્માત

Viral Video: સોશિયલ મીડિયા પર દરરોજ અનેક પ્રકારના વીડિયો વાયરલ થતા હોય છે. આમાંના કેટલાક વીડિયો ચોંકાવનારા હોય છે. તમે વિમાનને હવામાં ઉડતું જોયું જ હશે. પરંતુ કલ્પના કરો કે તમે કારમાં ક્યાંક જઈ રહ્યા છો અને તમને તમારી સામે રસ્તા પર એક વિમાન આવતું દેખાય તો તમારું રિએક્શન શું હોય! એક સમય માટે તો તમે ડરી જ જશો. 

વિમાન રસ્તા પર આવતું જોવા મળ્યું
સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે કેટલીક કાર રસ્તા પર આવતી-જતી જોવા મળી રહી છે. શરૂઆતમાં તમે રસ્તા પર માત્ર થોડી જ કાર જોશો. તેમાંથી એક ડ્રાઇવરે તેની કારને રોડની બાજુમાં કરી. ત્યારે રસ્તા પર સામેથી એક પ્લેન આવતું દેખાય છે. વિમાન રસ્તા પર એવું દેખાય છે જાણે તે રનવે પર દોડી રહ્યું હોય.

બસને મારી ટક્કર
વાયરલ થઈ રહેલા વીડિયોમાં જોઈ શકાય છે કે કેવી રીતે ચાર્ટર પ્લેન રસ્તા પર દોડી રહ્યું છે. પ્લેનને રોડ પર આવતા જોઈને લોકો પોતાની કારને રોડની બાજુમાં કરી દે છે. આગળ રસ્તાની બાજુમાં એક બસ ઉભી જોવા મળે છે. પ્લેન તેજ ગતિએ આવે છે અને બસ સાથે ધડાકાભેર અથડાય છે. ઘટનામાં વિમાન અને બસોને ઘણું નુકસાન થાય છે.

વાયરલ વીડિયો
સોશિયલ મીડિયા પર વાયરલ થઈ રહેલા આ વીડિયોને ટ્વિટર પર @ViciousVideos નામના એકાઉન્ટ દ્વારા પોસ્ટ કરવામાં આવ્યો છે. લોકો આ વીડિયોને પસંદ કરી રહ્યા છે. અત્યાર સુધીમાં આ વીડિયોને લગભગ 80,000થી વધુ વ્યૂઝ મળી ચૂક્યા છે. તે જ સમયે, ઘણા લોકો આ વીડિયો પર પ્રતિક્રિયા પણ આપી રહ્યા છે.