6.13 લાખની આ કારે વેગનઆર-બલેનોને પણ પાછળ છોડી, ગ્રાહકોએ ખરીદવા જબરી પડાપડી કરી

10માં નંબરે ઈકો: મારુતિ સુઝૂકીની ઈકો ગાડી ગત મહિને (એપ્રિલ મહિનામાં) 12,060 યુનિટ વેચાઈ હતી. બરાબર એક વર્ષ પહેલા આ જ મહિનામાં આ ગાડીના 10,504 યુનિટ વેચાયા હતા. એટલે કે વેચાણમાં 15 ટકાનો વધારો  થયો. 

9માં નંબરે મારુતિ સુઝૂકી અર્ટિગા: મારુતિ સુઝૂકીની અર્ટિગા એપ્રિલ મહિનામાં 13,544 યુનિટ વેચાઈ. જે વાર્ષિક રીતે 145 ટકાના વધારા સાથે છે. 

8માં નંબરે બલેનો: મારુતિ સૂઝૂકીની જ પ્રીમિયમ હેચબેક કાર બલેનોના એપ્રિલ મહિનામાં 14,049 લોકોએ ખરીદ્યા. તેના વેચાણમાં વાર્ષિક રીતે 13 ટકાનો ઘટાડો જોવા મળ્યો છે. 

7માં નંબરે ફ્રોન્ક્સ: મારુતિ સુઝૂકી ફ્રોન્ક્સના વેચાણમાં ગત મહિને સારો એવો ઉછાળો જવા મળ્યો. આ કારનું ગત મહિને 14,286 યુનિટ્સ વેચાણ થયું. ગત વર્ષની સરખામણીમાં 63 ટકાનો વેચાણમાં ઉછાળો જોવા મળ્યો. 

મહિન્દ્રા સ્કોર્પિયો સીરીઝમાં સ્કોર્પિયો-એન અને સ્કોર્પિયો ક્લાસિકના ગત મહિને સંયુક્ત રીતે 14,807 યુનિટ વેચાયા. જે વાર્ષિક રીતે 54 ટકાના વધારા સાથે છે. એપ્રિલ 2023માં સ્કોર્પિયો એસયુવીના 9,617 યુનિટ વેચાયા હતા. 

5માં નંબરે હુંડાઈ ક્રેટા: હુંડાઈ મોટર ઈન્ડિયાની ટોપ સેલિંગ કાર ક્રેટા ગત મહિને પાંચમી સૌથી વધુ વેચાયેલી કાર રહી. ક્રેટાને 9 ટકાના વાર્ષિક વધારા સાથે 15,447 ગ્રાહકોએ  ખરીદી.   

4થા નંબરે મારુતિ સુઝૂકી ડિઝાયર: મારુતિ સુઝૂકીની જબરદસ્ત સેડાન ડિઝાયરને એપ્રિલમાં 15,825 ગ્રાહકોએ ખરીદી. ડિઝાયરના વેચાણમાં 56 ટકાનો વાર્ષિક રીતે વધારો થયો છે. 

3જા નંબરે મારુતિ બ્રેઝા: મારુતિ સુઝૂકીની આ કારે ગત મહિને લાંબી છલાંગ ગગાવી અને ત્રીજી બેસ્ટ સેલિંગ કાર બની ગઈ. મારુતિ સુઝૂકીની આ કોમ્પેક્ટ એસયુવીને 45 ટકાના વાર્ષિક વધારા સાથે 17,113 ગ્રાહકોએ ખરીદી. 

2જા નંબરે મારુતિ વેગનઆર: મારુતિ સુઝૂકીની વેગનઆર કારે સતત બીજા મહિને ભારતમાં સૌથી વધુ વેચાતી કારોની યાદીમાં બીજો નંબર મેળવ્યો. વેગનઆરના ગત મહિને 17,850 યુનિટ્સ વેચાયા. જો કે આ ફેમિલી હેચબેકનું વેચાણ વાર્ષિક રીતે (ગયા વર્ષે આ જ સમયગાળામાં) જોઈએ તો ઘટ્યું છે.   

ટાટા પંચ: ટાટા મોટર્સની કોમ્પેક્ટ એસયુવી ટાટા પંચને સતત બીજા મહિને ગ્રાહકોનો ભરપૂર પ્રેમ મળ્યો. પંચને એપ્રિલ મહિનામાં 19,158 લોકોએ ખરીદી અને ગત વર્ષના આ જ સમયગાળા સાથે સરખામણી કરીએ તો વેચાણમાં 75 ટકાનો વધારો થયો છે.