રવિવારે કરો આ અચૂક ઉપાય, વેપારમાં થશે સમૃદ્ધિ, જીવનમાં આવશે ખૂશીઓ

સનાતન ધર્મમાં રવિવારે ભગવાન સૂર્યની પૂજા કરવાની પરંપરા છે. સૂર્ય ભગવાનની ઉપાસના યોગ્ય રીતે કરવાથી સુખ અને સમૃદ્ધિની પ્રાપ્તિ થાય છે.

કહેવાય છે કે આ દિવસે કેટલાક ઉપાય કરવાથી ઘરમાં સુખ-શાંતિ આવે છે અને વેપારમાં પણ પ્રગતિ થાય છે તેથી આજે અમે તમને મધ્યપ્રદેશના પંડિત સચ્ચિદાનંદ ત્રિપાઠીના જણાવ્યા અનુસાર રવિવારના ઉપાયો જણાવવા જઈ રહ્યા છીએ.

જો તમે જીવનમાં આર્થિક સમસ્યાઓથી પરેશાન છો તો રવિવારે ત્રણ ઝાડુ ઘરે લાવો. આ ઝાડુઓને વાસ્તુ પ્રમાણે યોગ્ય દિશામાં રાખો. બીજા દિવસે એટલે કે સોમવારે મંદિરમાં સાવરણીનું દાન કરો. આમ કરવાથી વેપારમાં પ્રગતિ થાય છે.

આ સિવાય રવિવારે સવારે વહેલા ઊઠીને સ્નાન કરી અર્ઘ્ય ચઢાવો. સ્વચ્છ વસ્ત્રો પહેરીને જ સૂર્યને જળ અર્પણ કરવું જોઈએ. તમને જણાવી દઈએ કે તાંબાના વાસણમાં સૂર્ય ભગવાનને જળ ચઢાવવું શુભ માનવામાં આવે છે.

ઘરમાં સુખ, સમૃદ્ધિ અને કીર્તિ મેળવવા માટે રવિવારનો દિવસ શુભ માનવામાં આવે છે. આ દિવસે લોટના ચાર બાજુવાળા દીવામાં તેલ નાખીને પીપળના ઝાડ નીચે પ્રગટાવો. તેનાથી જીવનમાં સુખ-શાંતિ આવે છે.

રવિવારે જો તમે વડના ઝાડના તૂટેલા પાન પર તમારી ઈચ્છા લખીને વહેતા પાણીમાં વહેવા દો તો માનવામાં આવે છે કે આ ઉપાયથી તમારી ઈચ્છા પૂરી થઈ શકે છે.

રવિવારે ભગવાન સૂર્યને અર્ઘ્ય અર્પણ કરતી વખતે 'ઓમ સૂર્યાય નમઃ ઓમ વાસુદેવાય નમઃ ઓમ આદિત્ય નમઃ' મંત્રનો જાપ કરવો ખૂબ જ શુભ માનવામાં આવે છે. તેનાથી સૂર્ય ભગવાન પ્રસન્ન થાય છે.

Disclaimer: અહીં અપાયેલી માહિતી જ્યોતિષ માન્યતાઓ, સામાન્ય માન્યતાઓ અને જાણકારીઓ પર આધારિત છે, ZEE 24 કલાક તેની પુષ્ટિ કરતું નથી.