યુરોપના ઘણા દેશોએ કોવિડ 19 ને ફ્લૂ તરીકે સ્વીકાર્યો, ધીમે ધીમે માસ્ક અને રસીઓ પરના નિયંત્રણો દૂર કર્યા

માત્ર માસ્ક જ નહીં, ત્યાંની સરકારે કોરોના વેક્સીનની અનિવાર્યતા પણ દૂર કરી દીધી છે. સરકારે એક સત્તાવાર નિવેદનમાં સ્વીકાર્યું છે કે કોરોનાનું ઓમિક્રોન વેરિયન્ટ મહામારીને અંતના આરે લઈ જશે અને તેની પ્રક્રિયા શરૂ થઈ ગઈ છે.

ઘણા યુરોપિયન દેશો હવે કોવિડ-19ને લઈને કડકાઈ ઘટાડી રહ્યા છે. કહેવામાં આવી રહ્યું છે કે આ બિમારી પણ હવે સામાન્ય ફ્લૂ જેવી છે. દરેકે તેની સાથે જીવવાની ટેવ પાડી દેવી પડશે.

જો છેલ્લા 24 કલાકના આંકડાઓ પર નજર કરીએ તો કોરોના સંક્રમણને કારણે 314 લોકોના મોત નોંધાયા છે. હાલમાં દૈનિક પોઝિટિવિટી રેટ 16.28% છે. છેલ્લા 24 કલાક દરમિયાન 16,65,404 ટેસ્ટ કરવામાં આવ્યા છે.

યુરોપિયન દેશો ધીમે ધીમે રસીને સ્વૈચ્છિક બનાવી રહ્યા છે. આયર્લેન્ડ અને સ્પેનમાં આ રસી સ્વૈચ્છિક બનાવવામાં આવી છે. જ્યારે અન્ય યુરોપિયન દેશો પણ પ્રતિબંધો હટાવવાના સંકેતો બતાવી રહ્યા છે.

દેશમાં કોરોનાનો કહેર અત્યારે અટકવાનું નામ લઈ રહ્યો નથી. છેલ્લા 24 કલાકમાં કોવિડ-19 સંક્રમણના 2,71,202 નવા કેસ નોંધાયા છે. આ ગઈકાલ કરતાં 2,369 વધુ છે. હવે દેશમાં કુલ સક્રિય કેસ 15,50,377 પર પહોંચી ગયા છે.