ઈપેક્સ રેઝન ફર્નિચરની દુનિયામાં હાર્દિક શાહે ડંકો વગાડ્યો, બોલિવુડથી મળ્યા ઢગલાબંધ ઓર્ડર

કોરોના મહામારીમાં અનેક લોકોના વ્યવસાય ઠપ થયા હતા. ત્યારે કરજણના કુણાલ શાહે ઈપેક્સ રેઝન ફર્નિચરનો વ્યવસાય શરૂ કર્યો. ત્યારે ટૂંકા ગાળામાં જ તેમના કામની બોલવાલા બોલિવુડ સુધી પહોંચી છે. બોલિવુડના એક્ટર રાકેશ રોશનના ઘરમાં કુણાલ શાહની કંપની દ્વારા બનાવવામાં આવેલ રેઝીન ટેબલ ટોપ લગાવવામાં આવ્યા છે.

આ ખાસ ફર્નિચરના ઓર્ડર માટે રાકેશ રોશનના પરિવારે કુણાલ શાહ અને તેમની ટીમના આમંત્રિત કર્યા હતા. હવે બોલિવુડ એક્ટર ઋત્વિક રોશનના પરિવારના ફાર્મ હાઉસ અને ઘરમાં રેઝીન ટેબલ ટોપ લગાવવામાં આવ્યા છે. 

રોશન પરિવારમાં અત્યાર સુધી ચાઈનીઝ ફર્નિચર હતું, જેને હટાવીને હવે કૃણાલ શાહનું ઈપેક્સ રેઝન ફર્નિચરની સજાવટ કરવામાં આવી છે. જોકે, અહીથી કુણાલ શાહ અટક્યા નથી. તેઓન 35 જેટલી બોલિવુડની હસ્તીઓ પાસેથી આ ખાસ પ્રકારના ફર્નિચરના ઓર્ડર મળ્યા છે. જેના પર કામ શરૂ થઈ ગયું છે. 

ઉલ્લેખનીય છે કે, ભારતમાં પહેલીવાર ઇપેક્સ રેઝન ફર્નિચરનો પ્રયોગ કરવામાં આવ્યો છે. આ પહેલા આ પ્રકારના ફર્નિચર કોઈએ બનાવ્યા નથી. અગાઉ લોકો વિદેશથી આ પ્રકારનું ફર્નિચર મંગાવતા હતા. પરંતુ હવે ભારતમા જ અવેલેબલ થઈ જવાથી લોકોને વિદેશી મંગાવવાની જરૂર નહિ પડે.