20 એપ્રિલ અને અમાસના દિવસે સર્જાશે ખાસ સંયોગ, આ દિવસે ભુલથી પણ ન કરતાં આ કામ

Surya Grahan 2023: હિન્દુ ધર્મમાં પૂનમ અને અમાસનું ખૂબ જ મહત્વ હોય છે. અમાસને લઈને ઘણી બધી માન્યતાઓ પણ જોડાયેલી છે. અમાસ નો દિવસ પિતૃઓને પ્રસન્ન કરવા માટે ખાસ દિવસ માનવામાં આવે છે. આ દિવસે પિતૃ તર્પણ, શ્રાદ્ધ, પિંડદાન વગેરે કરવામાં આવે છે. વૈશાખ મહિનાની અમાસ ખૂબ જ ખાસ માનવામાં આવે છે. તેમાં પણ આ વર્ષે અમાસના દિવસે વર્ષનું પહેલું સૂર્યગ્રહણ પણ હશે.

આ વર્ષે 20 એપ્રિલ અને ગુરૂવારના દિવસે અમાસની તિથિ છે. આ દિવસે સૂર્યગ્રહણ પણ થશે. સાથે જ અમાસ પર સર્વાર્થ સિધ્ધ યોગ અને પ્રીતિ યોગ સર્જાઇ રહ્યો છે. આ દિવસે શનિ જયંતિ પણ ઉજવવામાં આવશે. જોકે આ સૂર્યગ્રહણ ભારતમાં જોવા મળશે નહીં તેથી સૂતકનો પ્રભાવ પણ રહેશે નહીં 

આ પણ વાંચો:

અમાસના દિવસે ન કરો આ કામ

આ અમાસ પર માંગલિક કાર્યો માટેની ખરીદારી કરવી નહીં. જો કોઈ નવું કામ શરૂ કરવાનું હોય તો તેને પણ ટાળવું. આ દિવસે શનિ જયંતી પણ છે તેથી આ દિવસે અડદ કે તેનાથી બનેલી કોઈ વસ્તુનું સેવન ન કરવું. આમ કરવાથી શનિદેવની પૂજા કર્યા સમાન ફળ પ્રાપ્ત થાય છે.

અમાસ પર કરો આ ઉપાય

- અમાસના દિવસે સ્નાન કરવાના પાણીમાં તલ ઉમેરીને સ્નાન કરવું જોઈએ તેનાથી શનિદોષથી મુક્તિ મળે છે   

- આ દિવસે પિતૃઓ નિમિત્તે શ્રાદ્ધ અને પિંડદાન તેમજ અર્પણ કરવું જોઈએ. તેનાથી પિતૃદોષથી મુક્તિ મળે છે.

- જો કોઈ વ્યક્તિની જન્મકુંડળીમાં કાલ સર્પ દોષ હોય તો આ દિવસે ભગવાન શિવની પૂજા કરવી જોઈએ. તેના માટે શિવલિંગનો અભિષેક કરી શિવ મંત્રોનો જાપ કરવો જોઈએ. 

- આ દિવસે સવારે જલ્દી સ્નાન કરીને પીપળા તેમજ વડના વૃક્ષમાં પાણી ચડાવવું. અને સાંજના સમયે દેશી ઘીનો દીવો કરવો આમ કરવાથી શનિના અશુભ પ્રભાવ દૂર થાય છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)