Falgun Month 2024: ક્યારે છે મહાશિવરાત્રી, હોળીકા દહન અને ધૂળેટી? જાણો ફાગણ મહિના મુખ્ય વ્રત-તહેવાર

Falgun Month 2024: હિંદુ કેલેન્ડરનો અંતિમ મહિનો ફાગણ કહેવાય છે. આ મહિનામાં ઘણા મુખ્ય તહેવારો લઇને આવ્યો છે. 25 ફેબ્રુઆરીથી શરૂ થવા જઇ રહેલા આ મહિનામાં હોળી જેવા મોટા તહેવાર આવશે જે વર્ષમાં એક જ વાર ઉજવવામાં આવે છે. આ તહેવારને લઇને અનેક કથાઓ જોડાયેલી છે. આ પ્રકારે મહા શિવરાત્રિ પણ આ મહિનામાં 8 માર્ચના રોજ આવશે. તહેવાર એકાદશી, પ્રદોષ અને અમાવસ્યા તથા પૂર્ણમાસી તો હશે. 

હોળી અને મહાશિવરાત્રી
દર મહિનાની જેમ આ મહિનામાં પણ બે એકાદશીઓ આવશે જેમાં પ્રથમ વિજયા એકાદશી અને બીજી આમલકી એકાદશી હશે. પ્રદોષ પર્વ ત્રયોદશીના દિવસે ઉજવવામાં આવે છે પરંતુ ફાગણ મહિનાના કૃષ્ણ પક્ષના પ્રદોષનું સૌથી વધુ મહત્વ છે કારણ કે આ દિવસે મહાશિવરાત્રીનું વ્રત અને પૂજા કરવામાં આવે છે. આ મહિનામાં ભગવાન શ્રી કૃષ્ણની પૂજાનું પણ મહત્વ છે અને ફૂલેરા દૂજના દિવસે રાધા અને કૃષ્ણ એકબીજા સાથે ફૂલોની હોળી રમે છે.

કરો ચંદ્રદેવની પૂજા
ચંદ્રદેવનો જન્મ આ માસમાં થયો હોવાથી આ માસનું પણ વિશેષ મહત્વ છે. જન્માક્ષર અનુસાર જે લોકો ચંદ્ર દોષથી પીડિત છે તેઓ આ આખા મહિનામાં ચંદ્રની પૂજા કરવાથી શ્રેષ્ઠ ફળ પ્રાપ્ત કરે છે. ભગવાન શિવ ચંદ્રને એટલો પ્રેમ કરે છે કે તે તેને પોતાના માથા પર ધારણ કરે છે. ચંદ્રની પૂજા કરવાથી સ્વાસ્થ્ય, સુંદરતા, પ્રેમ, સન્માન અને પારિવારિક સુખ પ્રાપ્ત થાય છે.

મુખ્ય વ્રત-તહેવારોની યાદી
25મી ફેબ્રુઆરી - ફાગણ કૃષ્ણ પક્ષ પ્રતિપદા
28 ફેબ્રુઆરી - ફાગણની ચતુર્થી વ્રત
04 માર્ચ - સીતા અષ્ટમી
05 માર્ચ - સમર્થ રામદાસ નવમી
06 માર્ચ - વિજયા એકાદશી વ્રત (ગૃહસ્થ)
07 માર્ચ - વિજયા એકાદશી વ્રત (વૈષ્ણવ)
08 માર્ચ - મહાશિવરાત્રી
09 માર્ચ - મહર્ષિ દયાનંદ બોધોત્સવ
10 માર્ચ - દેવપિત્રી કાર્ય અમાવસ્યા, શિવ ખાપર પૂજા
11 માર્ચ - ફુલેરા દૂજ
17 માર્ચ - હોલાષ્ટક શરૂ
20 માર્ચ - આમલકી એકાદશી વ્રત
22 માર્ચ - પ્રદોષ વ્રત ફાગણ માસ શુક્લ પક્ષ
24 માર્ચ - હોલિકા દહન
25 માર્ચ - પૂર્ણિમા, ધૂળેટી રંગોત્સવ