CWG 2022: ભારતના અવિનાશે જીત્યો સિલ્વર મેડલ, રવિ દહિયા ગોલ્ડથી એક ડગલું દૂર

Commonwealth Games 2022: બર્મિંગહામમાં કોમનવેલ્થ ગેમ્સના 22 માં એડિશનના 9 માં દિવસે ભારતીય ખેલાડીઓ દ્વારા શાનદાર પ્રદર્શન કરવામાં આવી રહ્યું છે. પહેલવાન રવિ દહિયાએ પાકિસ્તાનના અસદ અલીને હરાવી ફાઈનલમાં જગ્યા બનાવી લીધી છે. ત્યારે 10,000 મીટર વોકમાં પ્રિયંકાના સિલ્વર મેડલ બાદ સ્ટીપલચેઝર અવિનાશ સાબલેએ 3,000 મીટર રેસમાં સિલ્વર મેડલ જીત્યો છે.

ગોલ્ડ મેડલથી એક ડગલું દૂર રવિ દહિયા
રવિ દહિયાએ સેમીફાઈનલ મુકાબલાથી પહેલા 1 મિનિટ 14 સેકન્ડમાં ન્યુઝિલેન્ડના પહેલવાન સૂરજને 10-0 થી હરાવ્યો હતો. કોમનવેલ્થ ગેમ્સમાં કુસ્તીમાં અત્યાર સુધી કુલ 6 મેડલ મળ્યા અને કુસ્તીની 6 મેડલ ઇવેન્ટ આજે રમાઈ રહી છે. કોમનવેલ્થ ગેમ્સ 2022 માં ભારતને અત્યાર સુધી 9 ગોલ્ડ, 10 સિલ્વર અને 9 બ્રોન્ઝ સહિત કુલ 28 મેડલ જીત્યા છે.