કોર્ટે સંજીવ ચાવલાને 12 દિવસની પોલીસ કસ્ટડીમાં મોકલ્યો

નવી દિલ્હીઃ દિલ્હીની એક કોર્ટે દક્ષિણ આફ્રિકા ક્રિકેટ ટીમના પૂર્વ કેપ્ટન હેન્સી ક્રોનિએની સંડોવળી વાળા મેચ ફિક્સિંગના મામલાના એક મુખ્ય આરોપી અને કથિત સટ્ટાબાજ સંજીવ ચાવલાને ગુરૂવારે 12 દિવસની પોલીસ કસ્ટડીમાં મોકલી દીધો છે. 

એડિશનલ ચીફ મેટ્રોપોલિટન મેજિસ્ટ્રેટ સુધીર કુમાર સિરોહીએ ચાવલાને 12 દિવસની પોલીસ કસ્ટડીમાં મોકલવાનો આદેશ આપ્યો છે. પોલીસે કોર્ટ પાસે 14 દિવસની કસ્ટડીની માગ કરી હતી. 

પોલીસે કોર્ટને જણાવ્યું કે, ગુરૂવારે લંડનથી પ્રત્યર્પિત કરીને લાવવામાં આવેલા ચાવલાને મોટા ષડયંત્રની માહિતી માટે વિભિન્ન સ્થાનો પર લઈ જવામાં આવશે અને ઘણા લોકો સાથે આમનો-સામનો કરાવવામાં આવશે. પોલીસે કોર્ટને જણાવ્યું કે, ક્રોનિએ પણ તેમાં સામેલ છે. ક્રોનિએનું 2002ના વિમાન દુર્ઘટનામાં મોત થઈ ગયું હતું.