French Open: ક્લે કોર્ટ પર નડાલે રચ્યો ઈતિહાસ- 20મું ગ્રાન્ડ સ્લેમ ટાઇટલ જીત્યું, ફેડરરની બરોબરી

પેરિસઃ રોલાં ગૈરોના બાદશાદ સ્પેનિશ સ્ટાર રાફેલ નડાલે રવિવારે રેકોર્ડ 13મી વખત ફ્રેન્સ ઓપન સિંગલ્સનું ટાઇટલ જીતી લીધુ છે. આ ધમાકેદાર જીતની સાથે 34 વર્ષીય નડાલે 20મુ ગ્રાન્ડસ્લેમ ટાઇટલ પર કબજો કરીને પોતાના મહાન વિરોધી 39 વર્ષના રોજર ફેડરરની બરોબરી કરી લીધી છે. 

રાફેલ નડાલે ફાઇનલમાં વર્લ્ડ નંબર-1 સર્બિયાના સ્ટાર નોવાક જોકોવિચને સીધા સેટોમાં  6-0, 6-2, 7-5થી પરાજય આપ્યો હતો. 18મા ગ્રાન્ડ સ્લેમ ટાઇટલ માટે ઉતરેલ જોકોવિચ લાલ બજરી પર નડાલના પડકારનો સામનો ન કરી શક્યો. આ મુકાબલો 2 કલાક 41 મિનિટ સુધી ચાલ્યો હતો.

ફ્રેન્ચ ઓપનમાં બંન્નેનો સામનો 8મી વખત થયો અને નડાલ 7મી વખત વિજેતા રહ્યો. ઓવરઓલ ગ્રાન્ડ સ્લેમની વાત કરીએ તો બંન્ને વચ્ચે આ 16મો મુકાબલો હતો, નડાલે 10મી જીત હાસિલ કરી છે.