અગસ્ત્ય પંડ્યા બન્યા મોટા ભાઇ, IPL ની વચ્ચે હાર્દિક-કૃણાલના ઘરે ગૂંજી કિલયારી

Krunal Pandya Son: આઇપીએલ 2024 ની વચ્ચે પંડ્યા બ્રધર્સના ઘરમાં મોટી ખુશખબરી આવી છે. હાર્દિકના ભાઇ કૃણાલ પંડ્યા બીજી વાર પિતા બન્યા છે. તેમણે પોતાના સોશિયલ મીડિયા પ્લેટફોર્મ પર તેની જાણકારી આપી છે. કૃણાલ પંડ્યાની પત્ની પંખુડી શર્માએ પુત્રને જન્મ આપ્યો છે. આઇપીલની વચ્ચે આ પંડ્યા ફેમિલી માટે ખુશીની પળ છે. હાર્દિક પંડ્યા મુંબઇ ઇન્ડીયન્સની કેપ્ટનશિપ કરી રહ્યા છે, જ્યારે કૃણાલ પંડ્યા કેએલ રાહુલની કેપ્ટનશિપવાળી લખનઉ સુપર જાયન્ટ્સ ટીમનો ભાગ છે.  

કૃણાલે એક્સ પર નવજાત પુત્રના ફોટા શેર કરતાં આ જાણકારી આપી છે. તેમણે પત્ની પંખુરી શર્મા અને બંને બાળકો સાથે ફોટો શેર કરતાં લખ્યું છે કે -વાયુ કૃણાલ પંડ્યા. આ સાથે જ તેમણે બાળકની જન્મ તારીખ પણ જણાવી છે. તે મુજબ કૃણાલના બીજા પુત્રનો જન્મ 21 એપ્રિલના રોજ થયો છે. સોશિયલ મીડિયા પર ઓલરાઉન્ડર માટે શુભેચ્છાઓનો વરસાદ થવા લાગ્યો છે. 

કૃણાલ પંડ્યાની પોતાના ભત્રીજા અગસ્ત્ય સાથે પણ સારી બોન્ડીંગ છે. તે મોટાભાગે તેની સાથે રમતાં જોવા મળે છે. અગસ્ત્ય કૃણાલના નાના ભાઇ હાર્દિકનો પુત્ર છે. જો આ આઇપીએલની વાત કરીએ તો હજુ સુધી કૃણાલનું પ્રદર્શન ખાસ રહ્યું નથી. તેમણે આઠ મેચમાં 58 રન બનાવ્યા છે. જેમાં હાઇએસ્ટ સ્કોર 43 છે. તો બીજી તરફ બોલીંગમાં તે ફક્ત 5 વિકેટ લઇ શક્યા છે. તેમાં પન તેમના બેસ્ટ 11 રન આપીને 3 વિકેટ છે.