વિરાટ-રોહિતની જેમ ફિટ બનવા ઈચ્છે છે ટીમના યુવા ખેલાડી

હેમિલ્ટનઃ શુભમન ગિલ અને ખલીલ અહમદ સહિત ભારતીય ટીમની યુવા બ્રિગેડનું કહેવું છે કે વિરાટ કોહલી અને રોહિત શર્મા જેવા સીનિયરની ફિટનેસ તેના માટે પ્રેરણાસ્ત્રોત છે. ચાઇનામેન બોલર કુલદીપ યાદવે પણ તેની વાતમાં હા પાડી હતી. પોતાની સાથે ખેલાડી યુજવેન્દ્ર ચહલ સાથે વાતચીતમાં કુલદીપે આંતરરાષ્ટ્રીય ક્રિકેટમાં ઝડપથી છવાઇ જવાનો શ્રેય ટીમના આકરા ફિટનેસ કાર્યક્રમને આપ્યો હતો. 

વાતચીતનો આ વીડિયો બીસીસીઆઈ.ટીવી પર અપલોડ કરવામાં આવ્યો છે. કુલદીપે કહ્યું, એવું નથી કે હું ખૂબ કસરત કરુ છું. હું સારા ફિટનેસ કાર્યક્રમનું અનુસરણ કરુ છું, જે અમને આપવામાં આવે છે. તેનાથી ઘણી મદદ મળે છે. 

ગિલે કહ્યું, અમે ફિટનેસ શેડ્યૂલનું અનુસરણ કરીને પોતાની ફિટ રાખીએ છીએ. આ ટીમનો ભાગ બનીને હું ખુબ ખુશ છું.