કેમ ટીમ ઈન્ડિયા સાથે વેસ્ટ ઈન્ડિઝ ન ગયા રોહિત-વિરાટ? સામે આવ્યું આ મોટું કારણ

Team India Tour Of West Indies: ટીમ ઈન્ડિયા વેસ્ટ ઈન્ડિઝમાં યજમાન ટીમ સામે 2 ટેસ્ટ, 3 ODI અને 5 મેચની T20 સિરીઝ રમશે. આ પ્રવાસ 12 જુલાઈથી ટેસ્ટ મેચથી શરૂ થશે. આ પ્રવાસ માટે ભારતીય ટીમ વેસ્ટ ઈન્ડિઝ પહોંચી ગઈ છે. ભારતીય ખેલાડીઓ ટુકડે ટુકડે વિન્ડીઝ જવા રવાના થયા હતા. આવું એટલા માટે થયું કારણ કે BCCI એક ફ્લાઈટમાં તમામ ખેલાડીઓની ટિકિટ મેળવી શક્યું ન હતું. પરંતુ ટીમના કેપ્ટન રોહિત શર્મા અને અનુભવી બેટ્સમેન વિરાટ કોહલી હજુ વેસ્ટ ઈન્ડિઝ માટે રવાના થયા નથી.

રોહિત-વિરાટ ટીમ ઈન્ડિયા સાથે વેસ્ટ ઈન્ડિઝ ગયા નથી-
ભારતીય ટીમના કેપ્ટન રોહિત શર્મા અને વિરાટ કોહલી હાલમાં પરિવાર સાથે રજાઓ ગાળી રહ્યા છે. આવી સ્થિતિમાં ટીમ ઈન્ડિયાના આ સિનિયર ખેલાડીઓ આવતા સપ્તાહે વિન્ડીઝ પહોંચે તેવી શક્યતા છે. રોહિત શર્મા પેરિસમાં છે અને વિરાટ કોહલી લંડનમાં રજાઓ ગાળી રહ્યો છે. અહેવાલો અનુસાર, બંને ખેલાડીઓ પેરિસ અને લંડનથી જ વેસ્ટ ઈન્ડિઝ જશે.

ટીમ ઈન્ડિયા 1 મહિનાના બ્રેક બાદ રમશે-
ટીમ ઈન્ડિયા 1 મહિનાના બ્રેક બાદ રમવાનું શરૂ કરશે. ભારતીય ટીમ 2023-2025 ICC વર્લ્ડ ટેસ્ટ ચેમ્પિયનશિપની શરૂઆત બંને ટીમો વચ્ચે રમાનારી ટેસ્ટ શ્રેણી સાથે કરશે. ટેસ્ટ શ્રેણી પછી ત્રણ મેચની ODI શ્રેણી રમાશે, જેમાં પ્રથમ બે મેચ 27 અને 29 જુલાઈએ બાર્બાડોસના કેન્સિંગ્ટન ઓવલ ખાતે યોજાશે. ત્રીજી વનડે 1 ઓગસ્ટે ત્રિનિદાદમાં બ્રાયન લારા ક્રિકેટ એકેડમીમાં રમાશે. બ્રાયન લારા ક્રિકેટ એકેડમીમાં 3 ઓગસ્ટથી ટી-20 સિરીઝ શરૂ થશે. T20 સિરીઝની છેલ્લી 2 મેચ અમેરિકાના ફ્લોરિડામાં રમાશે.

વેસ્ટ ઈન્ડિઝ પ્રવાસનું સંપૂર્ણ શિડ્યુલ-
જુલાઈ 12 થી 16, 1લી ટેસ્ટ, ડોમિનિકા
20 થી 24 જુલાઈ, બીજી ટેસ્ટ, ત્રિનિદાદ
27 જુલાઈ, 1લી ODI, બાર્બાડોસ
29 જુલાઈ, બીજી ODI, બાર્બાડોસ
1 ઓગસ્ટ, ત્રીજી ODI, ત્રિનિદાદ
3 ઓગસ્ટ, 1લી T20, ત્રિનિદાદ
6 ઓગસ્ટ, બીજી T20, ગયાના
8 ઓગસ્ટ, ત્રીજી T20, ગયાના
12 ઓગસ્ટ, ચોથી T20, ફ્લોરિડા
13 ઓગસ્ટ, પાંચમી T20, ફ્લોરિડા

વેસ્ટ ઈન્ડિઝ પ્રવાસ માટે ટીમ ઈન્ડિયા-
ભારતની ટેસ્ટ ટીમઃ રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, યશસ્વી જયસ્વાલ, અજિંક્ય રહાણે (વાઈસ-કેપ્ટન), કેએસ ભરત (વિકેટકીપર), ઈશાન કિશન (વિકેટકીપર), આર અશ્વિન, રવિન્દ્ર જાડેજા, શાર્દુલ ઠાકુર , અક્ષર પટેલ , મોહમ્મદ સિરાજ , મુકેશ કુમાર , જયદેવ ઉનડકટ , નવદીપ સૈની.

ભારતની વનડે ટીમઃ રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, સૂર્ય કુમાર યાદવ, સંજુ સેમસન (વિકેટકીપર), ઈશાન કિશન (વિકેટકીપર), હાર્દિક પંડ્યા (વાઈસ-કેપ્ટન), શાર્દુલ ઠાકુર, રવિન્દ્ર જાડેજા, અક્ષર પટેલ, યુઝવેન્દ્ર ચહલ, કુલદીપ યાદવ, જયદેવ ઉનડકટ, મોહમ્મદ સિરાજ, ઉમરાન મલિક, મુકેશ કુમાર.