આખા જાન્યુઆરી મહિનામાં Team Indiaનું શિડ્યુલ છે જબરદસ્ત બિઝી, જોઈ લો કેલેન્ડર

અમદાવાદ :ભારતીય ક્રિકેટ ટીમ માટે 2019 સૌથી શ્રેષ્ઠ સાબિત થયું છે. ભારતીય ટીમે (Team India) આ વર્ષે સૌથી વધુ વનડે મેચમાં જીત મેળવી છે. ટેસ્ટ ક્રિકેટમાં તે અજેય રહી અને ટી20માં ટેસ્ટ ટીમોમાં સૌથી વધુ જીત મેળવી છે. હવે 2020 શરૂ થઈ ચૂક્યું છે. આ વર્ષે ભારતીય ટીમનો કાર્યક્રમ એકદમ બિઝી છે. તેની પહેલી ઝલક જાન્યુઆરીમાં જ જોવા મળે છે. ભારતીય ટીમ આ મહિનામાં ત્રણ ટીમોની સામે કુલ 10 મેચ રમશે.

ભારતીય ટીમ 2020ની પહેલી મેચ 5 જાન્યુઆરીના રોજ શ્રીલંકા (India vs Sri Lanka) ની સામે રમશે. આ મેચ ગુવાહાટીમાં ખેલાશે. તેના બાદ ભારત અને શ્રીલંકાની ટીમ 7 જાન્યુઆરીના રોજ ઈન્દોરમાં અને 10 જાન્યુઆરીના રોજ પૂણેમાં ટકરાશે.

ભારતીય ક્રિકેટ ટીમનો કાર્યક્રમ આમ તો વર્ષોથી વ્યસ્ત રહ્યો છે. પરંતુ એવુ ઓછું જ થયું છે કે, એક મહિનામાં ત્રણ અલગ અલગ દેશોની સાથે સીરીઝ રમાશે. જોકે, આ વર્ષે આવું થવા જઈ રહ્યું છે.

શ્રીલંકા બાદ ભારતીય ટીમ ઓસ્ટ્રેલિયા (India vs Australia) સામે ત્રણ મેચ વનડે સીરીઝ રમશે. આ સીરિઝ માટે ઓસ્ટ્રેલિયાની ટીમ ભારત આવશે. આ સીરિઝ બાદ ભારતીય ટીમ ન્યૂઝીલેન્ડ જશે. ટીમ ઈન્ડિયા ન્યૂઝીલેન્ડ (India vs New Zealand) મુલાકાતમાં 5 ટી20 મેચ, 3 વનડે મેચ અને 2 ટેસ્ટ મેચ રમશે. આ સીરિઝની પહેલી ચાર મેચ જાન્યુઆરીમાં રમાશે. 

ભારતીય ક્રિકેટ ટીમનો જાન્યુઆરીનો કાર્યક્રમ
5 જાન્યુઆરી : ભારત vs શ્રીલંકા, પહેલી ટી20 (ગુવાહાટી)
7 જાન્યુઆરી : ભારત vs શ્રીલંકા, બીજી ટી20 (ઈન્દોર)
10 જાન્યુઆરી : ભારત vs શ્રીલંકા, ત્રીજી ટી20 (પૂણે)

14 જાન્યુઆરી : ભારત vs ઓસ્ટ્રેલિયા, પહેલી વનડે (મુંબઈ)
17 જાન્યુઆરી : ભારત vs ઓસ્ટ્રેલિયા, બીજી વનડે (રાજકોટ) 
19 જાન્યુઆરી : ભારત vs ઓસ્ટ્રેલિયા, ત્રીજી વનડે(બેંગલુરુ) 

24 જાન્યુઆરી : ભારત vs ન્યૂઝીલેન્ડ, પહેલી ટી20 (ઓકલેન્ડ)
6 જાન્યુઆરી : ભારત vs ન્યૂઝીલેન્ડ, બીજી ટી 20 (ઓકલેન્ડ)
29 જાન્યુઆરી : ભારત vs ન્યૂઝીલેન્ડ, ત્રીજી ટી20 (હેમિલ્ટન)
31 જાન્યુઆરી : ભારત vs ન્યૂઝીલેન્ડ, ચોથી ટી20 (વેલિંગ્ટન)