IPL 2023: IPL માં ઇતિહાસ રચવાની આરે ધોની, આમ કરનાર બનશે દુનિયાનો પ્રથમ કેપ્ટન

IPL 2023, CSK vs RR: પૂર્વ ભારતીય કેપ્ટન મહેન્દ્ર સિંહ ધોની IPLમાં ઈતિહાસ રચવાની આરે છે. જ્યારે મહેન્દ્ર સિંહ ધોની આજે એટલે કે બુધવારે ચેપોક ખાતે રાજસ્થાન રોયલ્સ સામેની મેચમાં ઉતરશે ત્યારે તે IPL ઈતિહાસમાં એક મોટો રેકોર્ડ બનાવશે. રાજસ્થાન રોયલ્સ સામેની આ મેચ મહેન્દ્ર સિંહ ધોની માટે ઘણી ખાસ રહેશે. વાસ્તવમાં, મહેન્દ્ર સિંહ ધોની ચેન્નાઈ સુપર કિંગ્સ માટે કેપ્ટન તરીકે તેની 200મી આઈપીએલ મેચ રમશે.

IPLમાં ઈતિહાસ રચવાના આરે મહેન્દ્ર સિંહ ધોની 
ચેન્નાઈ સુપર કિંગ્સના સ્ટાર ઓલરાઉન્ડર રવિન્દ્ર જાડેજાએ કહ્યું છે કે તે આ અવસરે જીત સાથે ઉજવણી કરવા માંગશે. અનુભવી ઓલરાઉન્ડર રવિન્દ્ર જાડેજા બુધવારે અહીં ઈન્ડિયન પ્રીમિયર લીગ (IPL) મેચમાં મહેન્દ્ર સિંહ ધોનીને તેની ટીમ ચેન્નાઈ સુપર કિંગ્સના કેપ્ટન તરીકે તેની 200મી મેચ જીતવામાં મદદ કરવાની આશા રાખે છે.

આમ કરનાર બનશે વિશ્વના પ્રથમ કેપ્ટન
ચાર વખત IPL ચેમ્પિયન ચેન્નાઈ સુપર કિંગ્સ ની ટીમ બુધવારે અહીં ચેપોક મેદાન પર IPLની પ્રથમ સિઝનની ચેમ્પિયન રાજસ્થાન રોયલ્સ સામે ટકરાશે. ચેન્નાઈના કેપ્ટન તરીકે ધોનીની આ 200મી મેચ હશે. જાડેજાએ મેચ પહેલા કહ્યું, ' મારે શું કહેવું જોઇએ. તે માત્ર ચેન્નાઈ સુપર કિંગ્સના જ નહીં પરંતુ ભારતીય ક્રિકેટના પણ દિગ્ગજ છે. હું તેને શુભેચ્છા પાઠવું છું.

આ પણ વાંચો: ગ્રહોના રાજા સૂર્ય 14 એપ્રિલના કરી રહ્યા છે ગોચર, આ 5 રાશિઓના ખૂલી જશે સુતેલું ભાગ્ય
આ પણ વાંચો: શું હવે ખરેખર કમોસમી વરસાદે વિદાય લીધી? જાણી લો આગામી 10 દિવસનું અપડેટ
આ પણ વાંચો:  દરરોજ સ્કિન પર સાબુ લગાવતા હોવ તો થઇ જજો સાવધાન, નહીંતર લેવાના દેવા થઇ જશે

યશસ્વી જયસ્વાલ પાસેથી અપેક્ષાઓ
જાડેજાએ કહ્યું, 'આશા છે કે, અમે આવતીકાલની મેચ જીતીશું. કેપ્ટન તરીકે 200મી મેચમાં ધોનીને જીતની ભેટ આપવાનો પ્રયાસ કરશે. આશા છે કે, અમે છેલ્લી બે મેચમાં જે રીતે રમ્યા છીએ તે રીતે અમે તે લય ચાલુ રાખીશું. રાજસ્થાન રોયલ્સને ઓપનર યશસ્વી જયસ્વાલ પાસેથી ઘણી આશાઓ છે, જે શાનદાર લયમાં ચાલી રહ્યો છે. ઓપનિંગ બેટિંગમાં તેના પાર્ટનર ઈંગ્લેન્ડના જોસ બટલરે આ યુવા ભારતીય ખેલાડીની પ્રશંસા કરી અને કહ્યું, 'તેણે ખરેખર સારી પ્રગતિ કરી છે. જ્યારે અમે તેને રાજસ્થાનની ટીમમાં પહેલીવાર જોયો ત્યારે પણ તેનામાં કૌશલ્યની કોઈ કમી નહોતી. તેનું ઉજ્જવળ ભવિષ્ય છે. તે વધુ સારું અને સારું થઈ રહ્યું છે.