16 વર્ષ બાદ મોહમ્મદ કેફે ભારતના આ ખેલાડીની માગી માફી, જાણો કારણ

નવી દિલ્હીઃ ટીમ ઈન્ડિયાના શાનદાર ફીલ્ડરોમાં સામેલ રહેલા મોહમ્મદ કેફ (Mohammad Kaif)એ પોતાના સાથી ખેલાડી રહેલા હેમાંગ બદાણી  (Hemang Badani)ની વર્ષ 2004ની એક ભૂલ માટે માફી માગી છે. કેફે પાકિસ્તાન વિરુદ્ધ 2004મા રમાયેલી એક મેચની નાની ક્લિપ પોતાના ટ્વીટર પર પોસ્ટ કરી, જેમાં તેણે બદાણીને સોરી કહ્યુ છે. 

કેફ દ્વારા ટ્વીટર પર પોસ્ટ કરવામાં આવેલા આ વીડિયોમાં તેની શ્રેષ્ઠ ફીલ્ડિંગની એક ઝલક છે. ભારતીય ટીમ વર્ષ 2004મા પાકિસ્તાનના પ્રવાસે ગઈ હતી. આ દરમિયાન કરાચીમાં રમાયેલી વનડે મેચ રોમાંચક બની ગઈ હતી. પાકિસ્તાનની ટીમને ભારતે 350 રનનો ટાર્ગેટ આપ્યો હતો અને આ મેચમાં પાકિસ્તાન જ્યારે જીતથી 10 રન દૂર હતું, ત્યારે કેફે દમદાર કેચ ઝડપીને મેચ ભારતની તરફ લાવી દીધી હતી. 

આ વીડિયોને પોસ્ટ કરતા કેફે ટ્વીટર પર લખ્યુ, 'નિડર યુવા અસંભવનો પણ પીછો કરે છે અને તેને બંન્ને હાથમાં પકડી લે છે. ઓહ સોરી બદાણી ભાઈ.'

આ વચ્ચે બસ છોડી ઇંચથી હેમાંગ બદાણીનુ માથુ કેફના પગથી ટકરાતા બચી ગયું અને બદાણીની કેપ તેની સાથે ટકરાયને પડી ગઈ. કેફ કેપ ઝડપવાની ખુશીમાં ઝડપથી ટીમના સાથે ખેલાડીઓ પાસે ઉજવણી કરવા પહોંચી ગયો હતો. ભારતે આ મેચ પાંચ રનથી જીતી હતી.