Car Driving On Highway: શું તમે જાણો છો હાઈવે પર ડ્રાઈવિંગ કરવાના આ 4 નિયમો!

Car Driving On Highway: કાર ચલાવવી એ એક જવાબદારીભર્યું કામ છે કારણ કે તમે કાર લઈને રસ્તા પર નીકળો કે તરત જ તમારાથી થયેલી નાની ભૂલ પણ તમારા અને બીજાના જીવને જોખમમાં મૂકી શકે છે. આવી સ્થિતિમાં કારને ખૂબ જ સાવધાનીથી ચલાવવી જોઈએ. ખાસ કરીને જ્યારે તમે હાઇવે પર વાહન ચલાવતા હોવ ત્યારે તમારે વધુ સાવચેત રહેવાની જરૂર છે. તો ચાલો અમે તમને હાઇવે પર ધ્યાનમાં રાખવા જેવી ચાર બાબતો વિશે જણાવીએ.

લેનમાં રહો
હાઇવે પર ઘણી લેન હોય છે. તમારી સ્પીડ પ્રમાણે લેન પસંદ કરો અને જ્યાં સુધી તમને લેન બદલવાની જરૂર ન લાગે ત્યાં સુધી તેના પર ડ્રાઇવિંગ કરતા રહો. જો તમે ધીમી ગતિએ જઈ રહ્યા છો, તો ડાબી લેનમાં રહો. સૌથી જમણી લેન સૌથી ઝડપી લેન છે અને તેનો ઉપયોગ વાહનોને ઓવરટેક કરવા માટે કરવો જોઈએ. લેન બદલતી વખતે ટર્ન ઇન્ડિકેટરનો ઉપયોગ જરુર કરો.

આ પણ વાંચો:
15 જૂનથી આ રાશિના લોકોનું ભાગ્ય 'સૂર્ય'ની જેમ ચમકશે,હાથ લગાવતા માટી પણ બની જશે સોનુ!
Rohit ના કરીયર માટે ખતરો બન્યો આ 21 વર્ષીય ખેલાડી
Name Astrology: દિમાગના ખુબ તેજ હોય છે આ અક્ષરવાળા લોકો!

સ્પીડ લિમિટ
દરેક હાઇવે પર ટોપ સ્પીડ લિમિટ હોય છે. જ્યારે પણ તમે હાઈવે પર વાહન ચલાવતા હોવ ત્યારે ધ્યાનમાં રાખો કે કારને તેના પર નિર્ધારિત ટોપ સ્પીડ લિમિટ કરતા વધુ સ્પીડ પર ન ચલાવો. આ માત્ર તમારા માટે જ નહીં પરંતુ અન્ય લોકો માટે પણ જીવલેણ બની શકે છે. જો તમે રાત્રે વાહન ચલાવતા હોવ કે રસ્તો ભીનો હોય તો સ્પીડ થોડી ઓછી રાખો.

અન્ય વાહનોથી અંતર રાખો
હાઈવે પર કાર ચલાવતી વખતે તમારે એ વાતનું પણ ધ્યાન રાખવું પડશે કે તમારી અને તમારી સામેના વાહન વચ્ચે અંતર હોય, કારણ કે જો આ અંતર ઘટે છે અને સામેનું વાહન અચાનક બંધ થઈ જાય, તો તમારે ઈમરજન્સી બ્રેકિંગ કરવુ પડશે. ત્યારે તમારું વાહન એટલા અંતરે હોવું જોઈએ કે તે સામેના વાહન સાથે અથડાયા વિના આરામથી અટકી શકે.

ઓવરટેકિંગ
હાઈવે પર ક્યારેય બેજવાબદારીપૂર્વક ઓવરટેકિંગ ન કરો. ઓવરટેક કરવા માટે યોગ્ય સમયની રાહ જુઓ અને જ્યારે તમે ઓવરટેક કરવા માટે લેન બદલતા હોવ ત્યારે ઈન્ડિકેટર્સનો ઉપયોગ કરો. આ સાથે એ પણ જુઓ કે તમારી પાછળ આવતા વાહનો તમારી નજીક ન હોય જેથી તમે આરામથી ઓવરટેક કરી શકો. ઓવરટેકિંગ માટે જમણી લેન સૌથી સુરક્ષિત છે.