Tata Nexon EV ગમતી નથી તો આ Electric SUV જુઓ, 456KM ની મળશે રેંજ, કિંમત બસ આટલી

Affordable Electric SUV: ભારતમાં અત્યારે સૌથી એફોર્ડેબલ ઇલેક્ટ્રિક એસયૂવી Tata Nexon EV છે. તે સૌથી વધુ વેચાતી ઇલેક્ટ્રિક એસયુવી પણ છે. પરંતુ, હવે તેને મહિંદ્રા એક્સયૂવી (Mahindra XUV400) થી આકરી ટક્કર મળી રહી છે. તે નેક્સોન EVની સરખામણીમાં ગ્રાહકો માટે વધુ સારા વિકલ્પ તરીકે પોતાનું સ્થાન બનાવી રહી છે. Mahindra XUV400ની કિંમત રૂ. 15.99 લાખથી રૂ. 18.99 લાખ (એક્સ-શોરૂમ) વચ્ચે છે. તે બે ટ્રીમ લેવલમાં આવે છે - EC અને EL. આ 5 સીટર ઇલેક્ટ્રિક SUVમાં 378 લિટરની બૂટ સ્પેસ ઉપલબ્ધ છે. તેની લંબાઈ 4,200mm, પહોળાઈ 1821mm અને ઊંચાઈ 2600mm છે. તેનું વ્હીલબેઝ 2600mm છે.

બેટરી પેક, મોટર, રેન્જ અને ચાર્જિંગ
મહિંદ્રા એસયૂવી (Mahindra XUV400) ઇવીમાં બે બેટરી પેક વિકલ્પો મળે છે. તેનું 34.5kWh બેટરી પેક 375 કિમીની રેન્જ ઓફર કરે છે જ્યારે 39.4kWh બેટરી પેક 456 કિમીની રેન્જ ઓફર કરે છે. તેની મોટર 150 PS પાવર અને 310 Nm ટોર્ક જનરેટ કરવામાં સક્ષમ છે. તે 0 થી 100 કિમી પ્રતિ કલાકની ઝડપે 8.3 સેકન્ડ લે છે.

તેની ટોપ સ્પીડ 150 કિલોમીટર પ્રતિ કલાક છે. કારમાં ફન, ફાસ્ટ અને ફિડરલેસ ડ્રાઈવ મોડ ઉપલબ્ધ છે. તેની બેટરી 7.2 KW AC વોલબોક્સ ચાર્જર સાથે સંપૂર્ણ ચાર્જ થવામાં 6 કલાક 30 મિનિટ અને 3.3 KW ચાર્જર સાથે 13 કલાક લે છે. તે 50KW DC ફાસ્ટ ચાર્જિંગને પણ સપોર્ટ કરે છે.

ફીચર્સ
XUV400 માં સિંગલ-પેન સનરૂફ, 7-ઇંચ ટચસ્ક્રીન સિસ્ટમ, કનેક્ટેડ કાર ફીચર્સ, પુશ બટન સ્ટાર્ટ-સ્ટોપ, છ એરબેગ્સ, કોર્નરિંગ બ્રેક કંટ્રોલ, ઇલેક્ટ્રોનિક સ્ટેબિલિટી કંટ્રોલ (ESC) અને રીઅર પાર્કિંગ કેમેરા જેવી ઘણી સુવિધાઓ છે.