ભારતીય પુરુષો તેમના મોબાઈલમાં શું જુએ છે? મહિલાઓ ખાસ જાણી લેજો, ખુલી ગયા છે રહસ્યો

Bobble AI Research: દરરોજ નવા પ્રકારના રિસર્ચ થઈ રહ્યાં છે. જેના આંકડાઓ એકદમ હેરાન કરવાવાળા હોય છે. ભારતીય પુરુષો તેમના સ્માર્ટફોન પર સૌથી વધુ ગેમિંગ એપ્સનો ઉપયોગ કરે છે. જ્યારે મહિલાઓ ફૂડ અને સોશિયલ મીડિયા એપ્સ પર વધુ એક્ટિવ હોય છે. મહિલાઓમાં ગેમિંગ અને પેમેન્ટ એપનો ઉપયોગ ખૂબ ઓછો જોવા મળ્યો છે.

કન્વર્સેશન મીડિયા પ્લેટફોર્મ Bobble AI એ સ્માર્ટફોન યુઝર્સ પર હાથ ધરાયેલા નવા સંશોધનનો (Research) ડેટા શેર કર્યો છે. આ રિસર્ચમાં લગભગ 85 મિલિયન પુરુષો અને મહિલાઓ દ્વારા એન્ડ્રોઇડ સ્માર્ટફોનનો ઉપયોગ કરવાની રીતો સામે આવી છે. રિપોર્ટ અનુસાર, મોટાભાગના ભારતીય પુરૂષો ગેમિંગ એપ્લીકેશનનો ઉપયોગ કરવાનું પસંદ કરે છે, જ્યારે મહિલાઓ ફૂડ અને મેસેજિંગ એપ્લિકેશનને પસંદ કરે છે.

Bobble AI રિપોર્ટ અનુસાર, ભારતીય યુઝર્સ દ્વારા સ્માર્ટફોન પર વિતાવેલો સમય ગત વર્ષમાં 50 ટકા વધ્યો છે.  સ્માર્ટફોનના ઉપયોગમાં મહિલાઓની ભાગીદારીમાં સતત વધારો થવા છતાં ભારતમાં માત્ર 11.3 ટકા મહિલાઓ જ પેમેન્ટ એપનો ઉપયોગ કરી રહી છે.

પુરુષોને આ એપ ગમે છે
સંશોધન કહે છે કે ભારતીય પુરૂષો તેમના સ્માર્ટફોનમાં સૌથી વધુ ગેમિંગ એપનો ઉપયોગ કરી રહ્યા છે. તેનાથી વિપરીત, મહિલાઓમાં ગેમિંગ એપ્સમાં સૌથી ઓછો રસ જોવા મળ્યો હતો. વિશ્લેષણમાં જાણવા મળ્યું છે કે માત્ર 6.1 ટકા મહિલાઓ જ ગેમિંગ એપ્લિકેશનનો ઉપયોગ કરી રહી છે.

મહિલાઓ આ વસ્તુઓમાં આગળ
ભલે મહિલાઓને ગેમિંગ એપ્સ પસંદ ન હોય, પણ સામાજિક અને મેસેજિંગ એપ્સનો ઉપયોગ કરવામાં તેમની ભાગીદારી તુલનાત્મક રીતે સારી છે. સંશોધન મુજબ, વિડિયો એપ્લિકેશનનો ઉપયોગ કરવામાં મહિલાઓનો હિસ્સો 21.7 ટકા અને ફૂડ એપ્લિકેશન્સમાં 23.5 ટકા છે.

રિપોર્ટ અનુસાર પેમેન્ટ એપ્સમાં મહિલાઓની ભાગીદારી 11.3 ટકા છે અને સ્પોર્ટ્સ એપ્સ 6.1 ટકા છે, જે સમાન એપ્સનો ઉપયોગ કરતા પુરુષોની સરખામણીમાં સૌથી ઓછી છે. આ સંશોધન મોબાઇલ માર્કેટ ઇન્ટેલિજન્સ ડિવિઝન દ્વારા ગોપનીયતાના ધોરણોને અનુસરતા 8.5 કરોડ એન્ડ્રોઇડ સ્માર્ટફોન વપરાશકર્તાઓ સાથે હાથ ધરવામાં આવ્યું હતું. સંશોધનનું વિશ્લેષણ બોબલ એઆઈ દ્વારા તૈયાર કરવામાં આવ્યું હતું.