Oppo ટૂંક સમયમાં લોન્ચ કરશે અંડર ડિસ્પ્લે કેમેરાવાળો સ્માર્ટફોન, મળશે આ સુવિધા

નવી દિલ્હી: ફોનના કેમેરામાં થોડા વર્ષોમાં ઘણા ફેરફાર જોવા મળ્યા છે. કેમેરામાં નવા-નવા ફેરફાર કર્યા બાદ કંપનીઓ હવે ફોનના ડિસ્પ્લે પર ફોકસ કરી રહી છે. બધી કંપનીઓ ઇચ્છે છે કે તેમના ડિવાઇસની સ્ક્રીન-ટૂ-બોડી રેશિયો સારો હોય. આ કડીમાં ચીનની સ્માર્ટફોન બનાવનાર કંપની ઓપ્પો હવ એક એવો સ્માર્ટફોન લાવવાની છે જેનો ફ્રન્ટ કેમેરો ડિસ્પ્લેની અંદર હશે. ઓપ્પોએ અત્યાર સુધી પોપ-અપ સેલ્ફી કેમેરા અને નોચ ડિસ્પ્લેવાળા સ્માર્ટફોન લોન્ચ કર્યા છે, પરંતુ હવે તે દુનિયાનો પ્રથમ અંડર-સ્ક્રીન કેમેરા ફોન લાવવાની તૈયારી રહ્યો છે. ઓપ્પો પોતાના આ ફોનને શંઘાઇમાં આ અઠવાડિયે યોજાનાર મોબાઇલ વર્લ્ડ બેંક કોંગ્રેસમાં શોકેસ કરવાનો છે. 

જો ફોન વિશે વાત કરીએ તો ઓપ્પોએ જણાવ્યું કે તેમાં ટ્રાંસપેરંટ મટીરિયલનો ઉપયોગ કરવામાં આવ્યો છે જે રીડિઝાઇન્ડ પિક્સલ સ્ટ્રકચર સાથે મળીને કામ કરે છે જેથી કેમેરામાં લાઇટ પહોંચી શકે. ફ્રંટ કેમેરાના સેંસર વિશે કહેવામાં આવી રહ્યું છે કે આ બીજા સેલ્ફી કેમેરાના મુકાબલે ખૂબ મોટો છે અને તેમાં પહોળો અપર્ચર લેન્સ આપવામાં આવ્યો છે.

કંપની એક વિડીયો પણ રિલીઝ કર્યો છે, જેમાં ફોનના ફ્રંટ કેમેરા હાઉસિંગ ટેક્નોલોજી બતાવવામાં આવી છે. આ ફોન ઓપ્પો ફાઉંડ X નું સક્સેસર હશે. કંપનીએ તેને ઓપ્પો ફાઇન્ડ Y (Oppo Find Y) નામ આપવામાં આવ્યું છે. જોકે કંપનીએ કોઇ સત્તાવાર જાહેરાત કરી નથી. 

આ પહેલાં પણ કંપનીએ ટ્વિટર પર 15 સેકન્ડ એક વિડિયો પોસ્ટ કર્યો હતો. વિડિયોમાં ફોનના ફ્રંટ પેનલની ઉપરમાં ભાગમાં જોવા મળે છે. વિડિયોમાં ફ્રંટ કેમેરો જોવા મળતો નથી. ફોનમાં સેલ્ફી કેમેરા એક્ટિવેટ થતો બતાવવામાં આવ્યો છે. 

વિડિયોમાં એ સ્પષ્ટ દેખાતું નથી કે આ મોડલનું નામ શું છે, પરંતુ માનવામાં આવી રહ્યું છે કે ઓપ્પો ફાઇન્ડ X નું સક્સેસર ઓપ્પો ફાઇન્ડ Y છે. ઓપ્પો ફાઇન્ડ Xમાં ઘણા ઇનોવેટિવ ફીચર ઉપલબ્ધ છે. આ ફોનના ફીચર પણ ફાઇન્ડ X સાથે મળે છે.

તો બીજી તરફ શાઓમીએ પણ જાહેરાત કરી છે કંપની ટૂંક સમયમાં અંડર સ્ક્રીન કેમેરા ટેક્નોલોજી સાથે ફોન લાવવાની છે. કંપનીએ દાવો કર્યો છે કે અંડર ડિસ્પ્લે કેમેરા ટેક્નોલોજી સ્માર્ટફોન્સમાં ફૂલ વ્યૂ માટે મીલનો પત્થર સાબિત થશે.