Tata Nexon કરતાં કેટલી અલગ હશે આવનાર Tata Curvv? ડિઝાઇન સહિત 7 તફાવત જાણો

Differences Between Tata Curvv & Tata Nexon: ટાટાએ તાજેતરમાં ભારત મોબિલિટી ગ્લોબલ એક્સ્પો 2024માં કર્વના ક્લોઝ-ટુ-પ્રોડક્શન વર્ઝનનું પ્રદર્શન કર્યું હતું. આ ICE વર્જન હતું ના કે EV. તે માર્કેટમાં Hyundai Creta અને Kia Seltos જેવી SUV સાથે સ્પર્ધા કરશે. જો કે, તે વધુ સ્ટાઇલિશ ઓફર હશે. અત્યાર સુધી, ટાટા મોટર્સમાં કોમ્પેક્ટ એસયુવી તરીકે તમારા વિકલ્પો નેક્સોન (સબ-4 મીટર એસયુવી) સુધી મર્યાદિત હતા પરંતુ હવે કર્વ ટૂંક સમયમાં બજારમાં આવવા જઈ રહ્યું છે. ચાલો Curve અને Nexon બંનેના ICE મોડલ્સ વચ્ચેના 7 મુખ્ય તફાવતો પર એક નજર કરીએ.

1 સાઇઝ
કર્વની તુલનામાં, નેક્સોન દરેક દ્રષ્ટિએ (લંબાઈ, પહોળાઈ, ઊંચાઈ અને વ્હીલબેઝ) માં નાની છે. નેક્સોન એ સબ-4 મીટરની એસયુવી છે જ્યારે કર્વ 4.3 મીટરથી વધુ લંબાઈ ધરાવે છે, જે તેને હ્યુન્ડાઈ ક્રેટા અને મારુતિ ગ્રાન્ડ વિટારા જેવી કાર સાથે સ્પર્ધાત્મક બનાવે છે.

2. ડિઝાઇન
કર્વની સૌથી મોટી ખાસિયત તેની કૂપ જેવી રૂફલાઇન છે. કર્વ પર ટોલર રિયર પ્રોફાઇલ છે, જેથી વધુ બૂટ સ્પેસ મળશે, જ્યારે નેક્સોનમાં સીધો ટેઈલગેટ છે. કર્વમાં 422 લિટર બૂટ સ્પેસ હશે, જે નેક્સોન કરતાં 40 લિટર વધુ છે. ટાટાએ કર્વ પર ફ્લશ-ફિટિંગ ડોર હેન્ડલ્સનો ઉપયોગ કર્યો છે.

3 મોટા વ્હીલ્સ
નેક્સનના હાઇયર-સ્પેક વેરિઅન્ટ્સમાં 16-ઇંચના એલોય વ્હીલ્સ મળે છે. તે જ સમયે, કંપનીએ કર્વના શોકેસ મોડલમાં 18-ઇંચના એલોય વ્હીલ્સ ઇન્સ્ટોલ કર્યા છે. જો તે કર્વના પ્રોડક્શન-રેડી મોડલમાં આવે તો પણ તેમાં નેક્સોન કરતા મોટા વ્હીલ્સ મળશે.

4. પેનોરેમિક સનરૂફ
ટાટાએ નેક્સોન પર સિંગલ-પેન યુનિટની સરખામણીમાં કર્વ માટે પેનોરેમિક સનરૂફનો ઓપ્શન પસંદ કર્યો છે. આ કેબિનને વેન્ટિલેટ કરવામાં ચોક્કસપણે મદદ કરશે. ઉપરાંત, તે તેને અંદરથી ઓછી ક્લોસ્ટ્રોફોબિક લાગે છે.

5. હેરિયર જેવું સ્ટીયરિંગ વ્હીલ
કર્વની કેબિનમાં ઘણા નેક્સોન જેવા તત્વો હશે પરંતુ 2-સ્પોક સ્ટીયરિંગ વ્હીલ અલગ હશે. ટાટાએ તેને હેરિયરની જેમ 4-સ્પોક સ્ટીયરિંગ વ્હીલ આપ્યું છે, જેમાં 'ટાટા' લોગો તેમજ ઓડિયો અને કૉલિંગ કંટ્રોલ પણ મળશે. 

6. મોટી ટચસ્ક્રીન
Nexon માં ઇન્ફોટેનમેન્ટ અને ઇન્સ્ટ્રુમેન્ટેશન  (દરેક 10.25-ઇંચ) ડિસ્પ્લે મળે છે. તો બીજી તરફ કર્વને તેનાથી પણ મોટી સેન્ટ્રલ સ્ક્રીન મળશે, જે 12.3-ઇંચનું યુનિટ હશે. આ જ યૂનિટ નવા Nexon EV માં જોવા મળે છે, જે વાયરલેસ એન્ડ્રોઇડ ઓટો અને Apple CarPlay કનેક્ટિવિટી સાથે આવે છે.

7. ADAS
એવી આશા રાખવામાં આવે છે કે ટાટા કર્વ નેક્સોનની માફક સેફ્ટી ફીચર્સ સાથે ઓફર કરવામાં આવશે. જો કે, તેમાં ADAS પણ મળી શકે છે, જેમાં એડેપ્ટિવ ક્રૂઝ કંટ્રોલ, રીઅર-ક્રોસ ટ્રાફિક એલર્ટ અને ઓટોનોમસ ઈમરજન્સી બ્રેકિંગ (AEB) જેવી સુવિધાઓ હોઈ શકે છે.