Coronaviurs કરતા પણ આ કારણથી વધારે થયા છે મૃત્યુ, દર 1 મિનિટે થયા છે 11 લોકોના મોત

કાહિરા: ગરીબી નાબૂદી માટે કામ કરતી સંસ્થા ઓક્સફામે (Oxfam) ચોંકાવનારો ખુલાસો કર્યો છે અને કહ્યું છે કે વિશ્વભરમાં (World) ભૂખમરાને કારણે દર એક મિનિટમાં 11 લોકો મોત (Starvation Death) થાય છે. આ સાથે ઓક્સફામે એમ પણ કહ્યું છે કે, છેલ્લા એક વર્ષમાં સમગ્ર વિશ્વમાં દુષ્કાળ (Drought) જેવી પરિસ્થિતિનો સામનો કરતા લોકોની સંખ્યામાં છ ગણો વધારો થયો છે.

કોરોનાથી વધારે ભૂખમરાને કારણે લોકોના મોત
ઓક્સફામ 'ધ હંગર વાયરસ મલ્ટિપ્લાઈઝ' નામના અહેવાલમાં જણાવ્યું છે કે ભૂખમરાને (Starvation) કારણે મૃત્યુ પામેલા લોકોની સંખ્યા કોવિડ-19 ને કારણે મૃત્યુ પામનારા લોકોની સંખ્યાથી (Covid-19 Death) વધારે છે. કોવિડ-19 ને કારણે વિશ્વમાં દર મિનિટે આશરે સાત લોકો મરે છે, જ્યારે ભૂખમરાથી મૃત્યુ (Starvation Death) પામનારા લોકોની સંખ્યા પ્રતિ મિનિટ 11 છે.

આ પણ વાંચો:- આ વ્યક્તિનો દાવો, 23 મિનિટના મોતના સમયમાં જોયું નરક, ચારેબાજુ આગ, લોકો સળગી રહ્યા હતા

15.5 કરોડ લોકો કરી રહ્યા છે ખાદ્ય અસુરક્ષાનો સામનો
ઓક્સફામ (Oxfam) અમેરિકાના પ્રમુખ અને સીઈઓ અબ્બી મેક્સમેને કહ્યું, 'આ આંકડા આઘાતજનક છે, પરંતુ આપણે એ ભૂલવું ન જોઈએ કે આ આંકડાઓ એવા લોકોના બનેલા છે જે અકલ્પનીય વેદનામાંથી પસાર થઈ રહ્યા છે.' રિપોર્ટમાં કહેવામાં આવ્યું છે કે વિશ્વના લગભગ 155 મિલિયન લોકો ખાદ્ય અસુરક્ષાની તીવ્ર કટોકટીનો સામનો કરી રહ્યા છે અને ગત વર્ષના આંકડા કરતા આ આંકડો 2 કરોડ વધુ છે. આમાંના લગભગ બે તૃતીયાંશ લોકો ભૂખે મરતા હોય છે અને તેનું કારણ તેમના દેશમાં ચાલી રહેલ લશ્કરી સંઘર્ષ છે.

આ પણ વાંચો:- રશિયાની ધરતી પરથી વિદેશ મંત્રીએ ચીનને આપ્યો સંદેશ, કહ્યું- સરહદ પર ઘર્ષણને કારણે પ્રભાવિત થયા બંને દેશના સંબંધ

ભૂખમરાની ધાર પર 5.2 લાખથી વધુ લોકો
મેક્સમેને કહ્યું, 'કોવિડ-19 ની આર્થિક અસર અને નિર્દય સંઘર્ષ, વિકટ વાતાવરણની કટોકટીએ 5.2 લાખથી વધુ લોકોને ભૂખમરાની ધાર પર ધકેલી દીધા છે. વૈશ્વિક મહામારીનો સામનો કરવાને બદલે, વિરોધાભાસી જૂથો એકબીજા સાથે લડત ચલાવી રહ્યા છે, આખરે લાખો લોકોને અસર કરે છે જેઓ હવામાન સંબંધિત આપત્તિઓ અને આર્થિક આંચકાઓ હેઠળ પહેલેથી જ ઝઝૂમી રહ્યા છે.

આ પણ વાંચો:- બેલ્જિયમમાં 11 વર્ષની ઉંમરે એક બાળકે મેળવી ગ્રેજ્યુએશનની ડિગ્રી, હવે આ કામ કરવાની છે ઈચ્છા

ભૂખમરાથી સૌથી વધુ અસરગ્રસ્ત છે આ દેશ
ઓક્સફામે (Oxfam) જણાવ્યું હતું કે, વૈશ્વિક મહામારી કોરોના વાયરસ (Coronavirus) હોવા છતાં વિશ્વભરમાં સૈન્ય પર થતો ખર્ચ મહામારી કાળમાં 51 અબજ ડોલર વધી ગયો છે, જે ભૂખમરોને સમાપ્ત કરવા માટે યુનાઇટેડ નેશન્સ દ્વારા જરૂરી રકમ કરતા વધુ છે. આ અહેવાલમાં 'ભૂખથી સૌથી વધુ અસરગ્રસ્ત'ની યાદીમાં જે દેશને સ્થાન આપવામાં આવ્યું છે તે છે - અફઘાનિસ્તાન, ઇથોપિયા, દક્ષિણ સુદાન, સીરિયા અને યમન. આ તમામ દેશોમાં સંઘર્ષની પરિસ્થિતિઓ છે.

આ પણ વાંચો:- TOKYO OLYMPIC દરમિયાન પણ જાપાનમાં ઈમરજન્સી લાગૂ રહેશે, દર્શકો વિના યોજાશે રમતો

સંઘર્ષ નહીં રોકાય તો પરિસ્થિતિ બની જશે વિનાશકારી
મેક્સમેને જણાવ્યું હતું કે, સામાન્ય નાગરિકોને ખોરાક અને પાણીથી વંચિત રાખી અને તેમના સુધી માનવીય રાહત નહીં પહોંચવા દેવાથી ભૂખમરાને યુદ્ધના હથિયાર તરીકે ઉપયોગ કરી શકાય છે. બજારોમાં બોમ્બમારો કરવામાં આવી રહ્યો છે, પાક અને પશુઓનો નાશ કરવામાં આવી રહ્યો છે, તો લોકો સલામત રહી શકશે નહીં અથવા ખોરાક શોધી શકશે નહીં. સંગઠને સરકારોને અનુરોધ કર્યો કે તેઓ સંઘર્ષને રોકે નહીં તો ભૂખમરાની પરિસ્થિતિ વિનાશકારી બની જશે.