અફઘાનિસ્તાનના ગાઝી શહેરમાં આત્મઘાતી હુમલો, 12નાં મોત, 170થી વધુ ઘાયલ

ગાઝીઃ અફઘાનિસ્તાનના ગાઝી શહેરમાં આવેલી નેશનલ ડિરેક્ટોરેટ ઓફ સિક્યોરિટીની ઓફિસ પાસે રવિવારે વહેલી સવારે લગભગ 8.30 કલાકે એક કારમાં વિસ્ફોટકો ભરીને આત્મઘાતી હુમલો કરાયો હતો. આ હુમલામાં 12 લોકોનાં મોત થયા હતા અને 179 જેટલા લોકો ઘાયલ થયા હતા. ઘાયલ થયેલા લોકોમાં મોટાભાગના નાગરિકો છે. તાલિબાનોએ આ હુમલાની જવાબદારી સ્વિકારી છે. 

અમેરિકાના મધ્યસ્થી અને અફઘાનિસ્તાનના પ્રતિનિધિઓ સાથે હાલ દોહામાં તાલિબાનોની વાટાઘાટો ચાલી રહી છે, તે દરમિયાન આ હુમલો કરાયો છે. આ વાટાઘાટોમાં તાલિબાનો  અમેરિકા દ્વારા મુકવામાં આવેલી કેટલીક શરતોનો ઈનકાર કરી રહ્યા છે. અત્યાર સુધીમાં વાટાઘાટોના 7 રાઉન્ડ પુરા થઈ ગયા છે. અફઘાનિસ્તાનમાંથી અમેરિકાના નિકળી જવા મુદ્દે તલિબાનો દ્વારા પણ કેટલીક શરતો મુકવામાં આવી છે.