કોરોના સંકટ: ભારતને વેંટિલેટર દાન કરશે અમેરિકા, ટ્રમ્પે કહ્યું- અમે પીએમ મોદી સાથે ઉભા છીએ

નવી દિલ્હી: અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump) એ કહ્યું કે મને એ કહેતાં ગર્વ થઇ રહ્યો છે કે અમેરિકા પોતાના મિત્ર ભારતને વેન્ટિલેટર દાન કરશે. અમે આ મહામારી દરમિયાન ભારત અને પીએમ મોદી સાથે ઉભા છીએ. અમે રસીને વિકસિત કરવામાં પણ સહયોગ કરી રહ્યા છીએ. કુલ મળીને અમે આ જોઇ ન શકનાર દુશ્મનને હરાવી દઇશું. 

ટ્રમ્પે પણ કહ્યું કે આ વર્ષના અંત સુધી કોવિડ-19ની રસી વિકસિત થવાની સંભાવના છે. તેમણે કહ્યું કે ''હું થોડા સમય પહેલાં ભારતથી પરત ફર્યો છું અને અમે ભારત સાથે મળીને કામ કરી રહ્યા છીએ. અમેરિકામાં ભારતીય મોટી સંખ્યામાં છે અને તમે જે લોકો વિશે વાત કરી રહ્યા છો તેમાંથી ઘણા લોકો રસી વિકસિત કરવામાં જોડાઇ ગયા છે. સારા વૈજ્ઞાનિક અને અનુસંધાનકર્તા. ટ્રમ્પે વડાપ્રધાન નરેન્દ્ર મોદીને પોતાના સારા મિત્ર ગણાવ્યા.