કેનેડામાં એક મહિલાની પોસ્ટ પર શરૂ થઈ Twitter War! ભારતીયો માટે કરી વિવાદિત ટિપ્પણી

Canada News : સોશિયલ મીડિયા યુઝર મેઘાએ કેનેડામાં ભારતીય માઈગ્રન્ટ્સ વિશે તેના વિચારો શેર કરતા જ ભડાકો થયો છે. તેણીએ કેનેડામાં આવતા ભારતીયો વિશે એવી પોસ્ટ કરી કે સોશિયલ મીડિયા યુઝર ભડક્યા છે. મેઘાની આ પોસ્ટ પર હાલ અસંખ્ય લોકોએ તેના પર પ્રતિક્રિયા આપી રહ્યાં છે. 

એક સોશિયલ મીડિયા યુઝર મેઘાએ 20 જુલાઈના રોજ માઇક્રોબ્લોગિંગ પ્લેટફોર્મ X પર એક પોસ્ટ કરી હતી. કેનેડામાં ભારતીય સ્થળાંતર કરનારાઓ અંગેની ધારણાઓ અને મુદ્દાઓ પર ધ્યાન કેન્દ્રિત કરીને પ્રતિક્રિયાઓની લહેર ઉભી કરી મેઘાએ પોતાની પોસ્ટમાં ચર્ચા જગાવી છે. મેઘાની આ પોસ્ટને અત્યાર સુધી ચાર લાખથી વધુ વ્યૂઝ મળ્યા છે અને 2,300 લાઈક્સ મળી છે. તેણે ઈમિગ્રેશન પેટર્નમાં ફેરફાર અને કેનેડિયન સમાજ માટે તેના કથિત પરિણામો અંગેની ચિંતાઓ વ્યક્ત કરી છે.

લોકોએ તેના પર કેવી પ્રતિક્રિયા આપી...
એક યુઝરે લખ્યું કે, "ઇમિગ્રેશન સિસ્ટમમાં શું બદલાવ આવ્યો કે તેઓએ અશિક્ષિત સ્થળાંતરને મંજૂરી આપવાનું શરૂ કર્યું? મને હંમેશા લાગતું હતું કે યુએસ અને કેનેડિયન ઇમિગ્રેશન સિસ્ટમ માત્ર ઉચ્ચ કુશળ, શિક્ષિત ભારતીયોને આકર્ષવા માટે બનાવવામાં આવી છે."

અન્ય X યુઝરે સ્ટીવેને કહ્યું, "કેનેડિયનો વર્ગના ભેદોને સમજી શક્તા નથી. તેઓ શાબ્દિક રીતે દરેકને એક જ શ્રેણીમાં મૂકે છે. બેજવાબદાર ટ્રુડો ઇમિગ્રેશન નીતિ મોટા પાયે સમસ્યાઓ ઊભી કરી રહી છે, સામાજિક માળખું નષ્ટ કરી રહી છે અને સામાન્ય રીતે કેનેડિયનોને ઇમિગ્રન્ટ્સ સામે ફેરવી રહી છે. બહુ ખરાબ વસ્તુ છે."

"મેઘા, તમે લોકો કેનેડામાં વસ્તીને વિભાજિત કરવા માટે પદાનુક્રમની સિસ્ટમ બનાવી શકો છો. જેમ કે: શ્વેત કેનેડિયન 80 અને 90 ના દાયકાના ભારતીય કેનેડિયન અન્ય જાતિઓ નવા ભારતીયો આ રીતે તમે આ નવા ભારતીયો સાથે ભેદભાવ કરી શકો છો અને સુનિશ્ચિત કરી શકો છો કે શિક્ષિત ભારતીયો આવું કરે. તેમની સાથે લગ્ન કે ભળવું નહીં, તમે આ સિસ્ટમને "જાતિ પ્રથા" અથવા કંઈક કહી શકો છો," વિનીથ નાઈકે આ ટિપ્પણી કરી હતી.