પીએમ મોદીને જ ભૂલી ગયા બાઈડન! ભરી મહેફિલમાં ફરી થઈ અમેરિકાના રાષ્ટ્રપતિની ચર્ચા, વીડિયો વાયરલ

Joe Biden News: અમેરિકી રાષ્ટ્રપતિ જો બાઈડેનનની ભૂલવાની સમસ્યા દિવસેને દિવસે વધુ જટિલ બની રહી છે. રિપોર્ટમાં દાવો કરવામાં આવ્યો છે કે વધતી ઉંમર અને નબળી પડી રહેલી યાદશક્તિને કારણે જો બાઈડેને અમેરિકામાં આગામી રાષ્ટ્રપતિની ચૂંટણીમાંથી પોતાનું નામ પાછું ખેંચી લીધું છે. તાજેતરમાં જ્યારે બાઈડેન વડા પ્રધાન નરેન્દ્ર સાથે સ્ટેજ શેર કરી રહ્યા હતા ત્યારે તેમની ભૂલી જવાની સમસ્યા પ્રકાશમાં આવી હતી. તેમણે પીએમ મોદીનો પરિચય કરાવવો હતો, પરંતુ તેમને એમનું નામ યાદ ન આવ્યું.

જો બાઈડેને પીએમ મોદીનો પરિચય કરાવવામાં ભૂલ કરી
અમેરિકી રાષ્ટ્રપતિ જો બાઈડેને અમેરિકાના ડેવાવેયરમાં ક્વાડ નેતાઓ સાથેના કાર્યક્રમમાં વડાપ્રધાન નરેન્દ્ર મોદીનો પરિચય કરાવવામાં ભૂલ કરી હતી. આ ઈવેન્ટનો હેતુ "કેન્સર મૂનશોટ" પહેલ શરૂ કરવાનો હતો. જેનો ઉદ્દેશ્ય ઈન્ડો-પેસિફિક ક્ષેત્રમાં કેન્સરની બીમારીને ફેલાતા અટકાવવાનો છે.

કાર્યક્રમના સંચાલકે તરત જ પીએમ મોદીનું નામ લીધું
જ્યારે બાઈડેનને પીએમ મોદીનો પરિચય કરાવવાનો હતો ત્યારે તેઓ મૂંઝવણમાં મુકાયા હતા અને પૂછ્યું હતું કે, "હું આગળ કોનો પરિચય કરાવી રહ્યો છું?" આના પર કાર્યક્રમના સંચાલકે તરત જ પીએમ મોદીનું નામ લીધું. ત્યારબાદ જો બાઈડેને પીએમ મોદીનો પરિચય કરાવ્યો.