Nobel Prize 2020: મેડિસિન ક્ષેત્રના નોબલ પુરસ્કારની જાહેરાત, જાણો કોને મળ્યો એવોર્ડ

સ્ટોકહોમઃ સ્વીડનના સ્ટોકહોમ શહેરમાં મેડિસિનના ક્ષેત્રમાં નોબલ પુરસ્કારની જાહેરાત કરવામાં આવી છે. આ વર્ષનો નોબલ પુરસ્કાર હાર્વે અલ્ટર (Harvey Alter), માઇકલ હોફટન (Michael Houghton) અને ચાર્લ્સ રાઇસ ( Charles Rice)ને આપવામાં આવ્યો છે. આ વૈજ્ઞાનિકોને હેપટાઇટિસ સી વાયરસની શોધ માટે પુરસ્કાર આપવામાં આવ્યો છે. અલ્ટર અને ચાર્લ્સ અમેરિકાથી છે તો માઇકલ હોફટન બ્રિટનના નિવાસી છે. 

આ વૈજ્ઞાનિકોને આશરે 11 લાખ 20 હજાર ડોલરની ધનરાશિ આપવામાં આવી છે. નોબલ પુરસ્કાર આપનારી સંસ્થાએ કહ્યું કે, આ વર્ષે પુરસ્કાર લોહીમાં પેદા થતા હેપટાઇટિસની લડાઈમાં યોગદાન આપવા માટે ત્રણેય વૈજ્ઞાનિકોને આપવામાં આવ્યો છે. સંસ્થાએ કહ્યું કે, આ હેપટાઇટિસથી વિશ્વભરમાં મોટી સંખ્યામાં લોકોને સિરોસિસ અને લીવર કેન્સર થાય છે. ત્રણેય વૈજ્ઞાનિકોએ એક નોવલ વાયરસની શોધમાં મૂળભૂત શોધ કરી જેમાં હેપટાઇટિસ સીની ઓળખ થઈ શકી. 

આ સપ્તાહે અન્ય નોબલ પુરસ્કારોની જાહેરાત
આ ધનરાશિ ત્રણેયને સમાન રૂપથી વિતરિત કરવામાં આવશે. આ પુરસ્કારોની જાહેરાત દર વર્ષની જેમ આ વર્ષે પણ સ્વીડનના સ્ટોકહોમ શહેરમાં કરવામાં આવી. આ સપ્તાહે અન્ય નોબલ પુરસ્કારોની જાહેરાત કરવામાં આવશે. માઇકલ હોઉગટન યુનિવર્સિટી ઓફ અલ્બાર્ટા અને ચાર્લ્સ રાઇસ રોકફેલર યુનિવર્સિટીના છે. 

નોબલ પુરસ્કાર આપનારી સંસ્થા આ સપ્તાહે ફિઝિક્સ, કેમેસ્ટ્રી, સાહિત્ય અને શાંતિના ક્ષેત્રમાં નોબલ પુરસ્કારોની જાહેરાત કરવામાં આવશે. તો અર્થશાસ્ત્રમાં નોબલ પુરસ્કારોની જાહેરાત આગામી સોમવારે કરવામાં આવશે. મહત્વનું છે કે આ વખતે શાંતિના નોબેલ પુરસ્કારોની રેસમાં અમેરિકાના રાષ્ટ્રપતિ ડોનાલ્ડ ટ્રમ્પ પણ છે. તેમને ઇઝરાયલ અને યૂએઈ વચ્ચે શાંતિ ડીલ કરાવવા માટે નોમિનેટ કરવામાં આવ્યા છે.