ચેતવણી: કોરોના બાદ ચીનમાં વધુ એક રોગચાળાનું તોળાઈ રહ્યું છે જોખમ, તબાહી મચી શકે છે

બેઈજિંગ: હાલ ચીન (China) માં અનેક પ્રકારની મહામારી ફેલાઈ શકવાના સમાચાર સતત આવી રહ્યાં છે. હાલમાં જ સ્વાઈન ફ્લૂ ફેલાવવાના અહેવાલો વચ્ચે વળી પાછા એક ખરાબ સમાચાર આવ્યાં છે. ઉત્તર ચીનના એક શહેરમાં રવિવારે બ્યૂબાનિક પ્લેગનો એક સંદિગ્ધ કેસ સામે આવ્યાં બાદ અલર્ટ જારી કરાઈ છે. ચીનના સરકારી મીડિયાએ આ જાણકારી આપી. 

ત્રીજા સ્તરની ચેતવણી
સરકારી પીપલ્સ ડેઈલી ઓનલાઈનના અહેવાલ મુજબ આંતરિક મંગોલિયન સ્વાયત્ત વિસ્તાર બયન્નુરે પ્લેગની રોકથામ અને નિયંત્રણ માટે ત્રીજા સ્તરની ચેતવણી બહાર પાડી. બ્યૂબાનિક પ્લેગનો સંદિગ્ધ કેસ બયન્નુરની એક હોસ્પિટલમાં શનિવારે સામે આવ્યો. સ્થાનિક સ્વાસ્થ્ય પ્રાધિકરણે જાહેરાત કરી કે 2020ના અંત સુધી આ ચેતવણી જાહેર રહેશે. સ્થાનિક સ્વાસ્થ્ય પ્રાધિકરણે કહ્યું કે હાલ આ શહેરમાં માનવ પ્લેગ મહામારી ફેલાવવાનું જોખમ તોળાઈ રહ્યું છે. જનતાએ આત્મરક્ષા માટે જાગરૂકતા અને ક્ષમતા વધારવી જોઈએ તથા અમાન્ય સ્વાસ્થ્ય સ્થિતિઓ અંગે તત્કાળ જાણ કરવી જોઈએ. 

જુઓ LIVE TV