UAEનું પ્રથમ મંગળ મિશન HOPE જાપાનથી થયું લોન્ચ, ફેબ્રુઆરીમાં મંગળની કક્ષામાં પ્રવેશે તેવી આશા

ટોકિયો: સાઉદી અરબ અમીરાત (UAE) નું મંગળ માટેનું પહેલું અંતરીક્ષ મિશન સોમવારે જાપાન (Japan) થી લોન્ચ થયું. જો કે હવામાને તેમાં કેટલાક વિધ્નો નાખ્યા હતાં. જેના કારણે અગાઉ લોન્ચ પહેલા તેને ટાળવું પડ્યું હતું. આ પ્રોજેક્ટને હોપ (HOPE) નામથી ડબ કરાયું છે. આ યાનમાં કોઈ માણસ ગયો નથી. તેની લાઈવ ફીડ પણ દેખાડવામાં આવી. આ યાન પર અરબીમાં અલ અમલ લખેલું છે. આ યાને જાપાનના તાનેગાશિમા સ્પેસ સેન્ટર (Tanegashima Space Centre) થી ઉડાણ ભરી.

લોન્ચ બાદ મિત્સુબુશી હેવી ઈન્ડસ્ટ્રીએ કહ્યું કે અમે  H-IIA લોન્ચ વ્હીકલ નંબર 42 ( H-IIA F42)ને લોન્ચ કર્યું છે જે અમીરાત માર્સ મિશન (EMM) HOPE સ્પેસક્રાફ્ટને જાપાનના સમય મુજબ 6:58:14 (JST) (2158GMT) પર લોન્ચ કર્યું છે. ભારતીય સમય મુજબ આ મિશન સવારે 3:28 વાગે લોન્ચ થયું. લોન્ચની પાંચ મિનિટ બાદ આ સેટેલાઈટને લઈને જઈ રહેલું યાન પોતાના નિર્ધારિત રસ્તે હતું. તેણે પોતાની યાત્રાનું પહેલુ સેપરેશન પણ કરી લીધુ હતું.