World`s Most Expensive Cow: વિશ્વની સૌથી મોંઘી ગાય, ચોંકાવનારી છે કિંમત; ભારત સાથે છે ખાસ કનેક્શન

World's Most Expensive Cow: દુનિયામાં ઘણા એવા પાલતુ પ્રાણીઓ છે જેના વિશે અલગ-અલગ માન્યતાઓ છે. કેટલાકને દેવતાઓ સાથે પણ સરખાવવામાં આવે છે. દરેકનું એક વિશિષ્ટ અને અલગ મહત્વ છે. ભારતમાં ગાયને ભગવાનનો દરજ્જો આપવામાં આવે છે. તેથી જ લોકો ગાયનું સન્માન અને પૂજા કરે છે. એક ગાય એવી પણ છે જેની કિંમત સૌથી વધુ છે. તેને વિશ્વની સૌથી મોંઘી ગાય તરીકે પણ ઓળખવામા આવે છે.

બ્રાઝિલમાં એક ગાય આ સમયે ખૂબ જ ચર્ચાનો વિષય બની રહી છે. આ ગાયની કિંમત વિશ્વની અન્ય જાતિની ગાયો કરતા ઘણી વધારે છે. આ કિંમતમાં તમે લક્ઝુરિયસ કાર અને બંગલો તેમજ અન્ય ઘણી વસ્તુઓ ખરીદી શકો છો. આ ગાયનું ભારત સાથે ખાસ જોડાણ છે. આ જાતિનું નામ આંધ્ર પ્રદેશના નેલ્લોર જિલ્લાની નેલ્લોર જાતિના નામ પરથી રાખવામાં આવ્યું છે. અહીંથી આ જાતિને બ્રાઝિલ મોકલવામાં આવી અને બાદમાં વિશ્વના અન્ય ભાગોમાં ફેલાઈ.

આ ગાય નેલ્લોર જાતિની છે અને સાડા ચાર વર્ષની છે. નેલ્લોર જાતિની સાડા ચાર વર્ષની ગાય Viatina-19 FIV Mara Emovis વિશ્વની સૌથી મોંઘી ગાય છે. બ્રાઝિલમાં આ પ્રજાતિની સેંકડો ગાયો જોવા મળે છે. અહેવાલો અનુસાર, ગાયની ત્રીજી માલિકી તાજેતરમાં બ્રાઝિલના અરાન્ડુમાં એક હરાજીમાં 6.99 મિલિયન રીઅલ્સ (રૂ. 11 કરોડ)માં વેચવામાં આવી હતી. જેના કારણે તેની કુલ કિંમત $4.3 મિલિયન (રૂ. 35 કરોડ) થઈ ગઈ.

Viatina-19 FIV Mara Imovis ને ગયા વર્ષે વિશ્વની સૌથી મોંઘી ગાય જાહેર કરવામાં આવી હતી. એકલા બ્રાઝિલમાં આ જાતિની લગભગ 160 મિલિયન ગાયો છે. આ ગાયોમાં ચળકતી સફેદ ફર, ઢીલી ચામડી હોય છે.