ପିଆଜ ଖାଇ ଟ୍ରୋଲ ହେଲେ କଙ୍ଗନା

ଅଭିନେତ୍ରୀ କଙ୍ଗନା ରଣାୱତ ମଧ୍ୟ ନବରାତ୍ରୀ କରିଥିଲେ ପରେ ବ୍ରତ ଭାଙ୍ଗିବା ପରେ ସେ ନିଜ ଖାଦ୍ୟ ଥାଳିର ଏକ ପ୍ଲେଟ ସୋସିଆଲ ମିଡିଆରେ ଦେଇଥିଲେ ।

ନୂଆଦିଲ୍ଲୀ: ବଲିଉଡର ଆଗଧାଡ଼ିର ନାୟିକା କଙ୍ଗନା ରଣାୱତ ସର୍ବଦା ସୋସିଆଲ ମିଡିଆରେ ଆକ୍ଟିଭ ଥାନ୍ତି । ପ୍ରାୟତଃ ସମୟରେ ଅନେକ କିଛି ପ୍ରସଙ୍ଗକୁ ନେଇ କଙ୍ଗନା ଟାର୍ଗେଟ ହୋଇଛନ୍ତି । ତାହା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ହେଉ ବା ଅନ୍ୟ କିଛି ପ୍ରସଙ୍ଗ ବା ମହାରାଷ୍ଟ୍ର ସରକାରଙ୍କୁ ନେଇ ସିଧାସଳଖ ଟାର୍ଗେଟ। ସବୁ ବେଳେ କିଛି ନା କିଛି ବିବାଦରେ ଛନ୍ଦି ହୋଇଥାନ୍ତି କଙ୍ଗନା । ଆଉ ଏବେ ପିଆଜ ଖାଇ ପୁଣି ସୋସିଆଲ ମିଡିଆରେ ଟ୍ରୋଲର ଶିକାର ହୋଇଛନ୍ତି ଏହି ଅଭିନେତ୍ରୀ।

ତେବେ ଆପଣ ସମସ୍ତଙ୍କୁ ଜଣା ଥିବ ଯେ, ଏବେ ନବରାତ୍ରୀ (Navaratri) ଚାଲିଛି । ସମସ୍ତେ ନିଷ୍ଠାର ସହିତ ଏହି ବ୍ରତ ପାଳନ କରନ୍ତି। ଉପବାସ ରହିବା ପରେ ପୂଜା କରିବା ପରେ ବ୍ରତ ଭାଙ୍ଗିଥାନ୍ତି । ତେବେ ଅଭିନେତ୍ରୀ କଙ୍ଗନା ରଣାୱତ( kangana Ranaut) ମଧ୍ୟ ନବରାତ୍ରୀ କରିଥିଲେ ପରେ ବ୍ରତ ଭାଙ୍ଗିବା ପରେ ସେ ନିଜ ଖାଦ୍ୟ ଥାଳିର ଏକ ପ୍ଲେଟ ସୋସିଆଲ ମିଡିଆ (Social Media) ରେ ଦେଇଥିଲେ । ଏହି ଥାଳିରେ ପୁରୀ, ତରକାରୀ ଠାରୁ ଆରମ୍ଭ କରି ପ୍ରସାଦ ସହ ପିଆଜ ବି ଥିଲା ଯାହାକୁ ନେଇ ଖପ୍ପା ହୋଇଛନ୍ତି କଙ୍ଗନାଙ୍କ ଫ୍ୟାନ୍ସ।

କିଛି ସମର୍ଥକ ଏହାକୁ ଏକ ରୋମାଞ୍ଚକର କହି ରିଆକ୍ସନ ଦେଇଥିବା ବେଳେ କିଛି କିଛି ଫ୍ୟାନ୍ସ ଏହାକୁ ନେଇ ରାଗ ମଧ୍ୟ ଦେଖାଇଛନ୍ତି । କିଏ କିଏ କହିଛନ୍ତି ନବରାତ୍ରୀରେ ପିଆଜ ରସୁଣ ବାରଣ ଥାଏ । ହେଲେ କଙ୍ଗନା ଏମିତି କରି ଧର୍ମୀୟ ଭାବନାକୁ ଆଘାତ ଦେଇଛନ୍ତି। ୯ ଦିନିଆ ନବରାତ୍ରୀ ପର୍ବରେ ପିଆଜ (Onion) ଏବଂ ରସୁଣ (Garlic) ଖାଇବା ନିଷେଧ ରହିଥାଏ । ଲୋକମାନେ ସାଧାରଣତଃ ଉପବାସ କରନ୍ତି ଏବଂ ପୂଜା ରୀତିନୀତି କରନ୍ତି, ପର୍ବ ସମୟରେ ୯ ଟି ଦିନରେ ବିଭିନ୍ନ ପ୍ରକାରରେ ମା ଦୁର୍ଗା (Goddess Durga)ଙ୍କୁ ଆରାଧନା କରାଯାଏ।