Shahrukhଙ୍କ ନାଁ ଶୁଣି Priyanka ଦେଲେ ଏମିତି ରିଆକ୍ସନ୍

ନୂଆଦିଲ୍ଲୀ: ଦେଶୀ ଗାର୍ଲ ପ୍ରିୟଙ୍କା ଚୋପ୍ରା ଆଜିକାଲି ତାଙ୍କ ଦାମ୍ପତ୍ୟ ଜୀବନକୁ ଖୁସିରେ ବିତାଉଛନ୍ତି। କିନ୍ତୁ ତାଙ୍କ ସମ୍ପର୍କକୁ ନେଇ ଆଲୋଚନା ବହୁତ ଭଲ ହୋଇଛି। ଗୁଜବ ବଜାରରେ ମଧ୍ୟ ଚର୍ଚ୍ଚା ହୋଇଥିଲା ଯେ, ପ୍ରିୟଙ୍କାଙ୍କ ସମ୍ପର୍କ ଶାହରୁଖ ଖାନଙ୍କ ସହ ମଧ୍ୟ ଥିଲା। ସମୟ ସହିତ ଦୁହେଁ ଦୁହିଁଙ୍କ ବାଟରେ ଚାଲିଗଲେ। ଏକ ସମୟ ଥିଲା ଯେତେବେଳେ ପ୍ରିୟଙ୍କା, ଶାହାରୁଖଙ୍କ ନାମ ମଧ୍ୟ ଶୁଣିବାକୁ ପସନ୍ଦ କରୁନଥିଲେ। ଯାହାର ପ୍ରମାଣ ଏହି ଭିଡିଓରେ ଅଛି।

ଏହି ପୁରୁଣା ଭିଡିଓରେ ପ୍ରିୟଙ୍କା ଚୋପ୍ରା ଏକ ସାମ୍ବାଦିକ ସମ୍ମିଳନୀରେ ଅଛନ୍ତି ଏବଂ ରିପୋର୍ଟର ପ୍ରଶ୍ନର ଉତ୍ତର ଦେଉଛନ୍ତି। ଏହି ସମୟରେ, ଶାହାରୁଖ ଖାନଙ୍କ ସହ ଯୋଡି ତାଙ୍କୁ ଏକ ପ୍ରଶ୍ନ ପଚରାଯାଇଥିଲା, ଏହା ଶୁଣି ସେ ଆଶ୍ଚର୍ଯ୍ୟ ହୋଇଯାଇଛନ୍ତି ଏବଂ ଉତ୍ତର ଦେବାକୁ ମନା କରି ଦେଇଛନ୍ତି। ଭିଡିଓରେ ପ୍ରିୟଙ୍କା କ୍ରୋଧିତ ଦେଉଥିବା ସ୍ପଷ୍ଟ ଦେଖାଯାଉଛି।

ଭିଡିଓଟି 2013 ମସିହାର ଏବଂ ଏହାକୁ ୫୯ତମ ଚଳଚ୍ଚିତ୍ର ପୁରସ୍କାର (Filmfare award) ର ପୂର୍ବ ସାମ୍ବାଦିକ ସମ୍ମିଳନୀରେ ସୁଟ୍ କରାଯାଇଥିଲା। ଏହି ସମ୍ମିଳନୀରେ ପ୍ରିୟଙ୍କା ଚୋପ୍ରା (Priyanka Chopra) ବହୁତ ବିଳମ୍ବରେ ପହଞ୍ଚିଛନ୍ତି ଏବଂ ସାମ୍ବାଦିକ ତାଙ୍କୁ ଶାହାରୁଖ ଖାନ (Shahrukh Khan) ଙ୍କ ସହ ତୁଳନା କରିଛନ୍ତି। କିନ୍ତୁ ଅଭିନେତ୍ରୀ ପୁରା ସମ୍ମିଳନୀରେ ଥରେ ମଧ୍ୟ ଶାହାରୁଖଙ୍କ ନାମ ତୁଣ୍ଡରେ ନେଇନାହାଁନ୍ତି।

୨୦୧୫ରେ ପ୍ରିୟଙ୍କା ଚୋପ୍ରା ହଲିଉଡ ଜଗତରେ ପ୍ରବେଶ କରିଥିଲେ। ତାଙ୍କର ପ୍ରଥମ ଆନ୍ତର୍ଜାତୀୟ ଟିଭି ସୋ 'କ୍ୱାଣ୍ଟିକୋ' ବହୁତ ଲୋକପ୍ରିୟ ଥିଲା। ଶକ୍ତିଶାଳୀ ପ୍ରଦର୍ଶନ ଏବଂ ସମ୍ବେଦନଶୀଳ ଦୃଶ୍ୟ ଆଧାରରେ ପ୍ରିୟଙ୍କା ତାଙ୍କ ଅଭିନୟ ପାଇଁ 'ପିପୁଲ୍ସ ଚଏସ୍ ଆୱାର୍ଡ' ମଧ୍ୟ ପାଇଥିଲେ। ଏହା ପରେ ସେ 'କ୍ୱାଣ୍ଟିକୋ'ର ଦ୍ୱିତୀୟ ସିଜନରେ ମଧ୍ୟ ଅଭିନୟ କରିଥିଲେ। କେବଳ ଏତିକି ନୁହେଁ, ୨୦୧୭ ମସିହାରେ ସେ 'ବାଇୱାଚ୍' ସହିତ ହଲିଉଡ ଫିଲ୍ମରେ ମଧ୍ୟ ପ୍ରବେଶ କରିଥିଲେ। ସେ ଏହି ଚଳଚ୍ଚିତ୍ରରେ ସେ ଏକ ନକାରାତ୍ମକ ଚରିତ୍ରରେ ଅଭିନୟ କରିଥିଲେ।

ପ୍ରିୟଙ୍କା ଚୋପ୍ରା ୨୦୧୮ରେ ପପ୍ ସିଙ୍ଗର ନିକ ଜୋନ୍ସଙ୍କ ସହ ବିବାହ କରିଥିଲେ। ପ୍ରଶଂସକମାନେ ନିକ ଏବଂ ପ୍ରିୟଙ୍କାଙ୍କ ଯୋଡିକୁ ଖୁବ ଭଲ ପାଆନ୍ତି। ସେମାନଙ୍କୁ ପିକ୍-ନିକ୍ ବୋଲି ମଧ୍ୟ ସମ୍ବୋଧନ୍ କରନ୍ତି। ଦୀର୍ଘ ସମୟ ଧରି ବଲିଉଡରେ ପ୍ରିୟଙ୍କାଙ୍କୁ ଫ୍ୟାନ୍ସ ଦେଖି ନାହାନ୍ତି। ଶେଷ ଥର ପାଇଁ ସେ ୨୦୧୯ରେ Sky is Pink ଫିଲ୍ମରେ ନଜର ଆସିଥିଲେ।