ଜାଣନ୍ତୁ ପାୱାରଫୁଲ ସେଲିବ୍ରିଟି Virushka ଙ୍କ ବଡିଗାର୍ଡ ପାଆନ୍ତି କେତେ ଦରମା ?

ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର କ୍ୟାପଟେନ ବିରାଟ କୋହଲି ଓ ବଲିଉଡ ଆକ୍ଟ୍ରେଷ ଅନୁଷ୍କା ଶର୍ମା ଦେଶର ସବୁଠାରୁ ପାୱାରଫୁଲ ସେଲିବ୍ରିଟିଙ୍କ ମଧ୍ୟରୁ ଅନ୍ୟତମ। ଅନୁଷ୍କା ଶର୍ମା (Anushka Sharma)ନିଜର ଅଭିନୟ କ୍ୟାରିୟରରେ ଖୁବ ସଫଳତା ହାସଲ କରିବା ସହ ନିଜର ଏକ ପ୍ରଡକ୍ସନ ହାଉସ ମଧ୍ୟ ଚଲାଉଛନ୍ତି । ଅନ୍ୟପଟେ ବିରାଟ କୋହଲି ଭାରତୀୟ କ୍ରିକେଟ ଟିମର ଅଧିନାୟକତ୍ୱ ଦାୟିତ୍ୱରେ ଅଛନ୍ତି । 

ଫ୍ୟାନ୍ସ ମାନେ ଜାଣନ୍ତି ଯେ, ଯେତେବେଳେ ସୁରକ୍ଷା କଥା ଉଠେ ସେତେବେଳେ ସେଲିବ୍ରିଟି ମାନେ ମୋଟା ଅଙ୍କର ଖର୍ଚ୍ଚ କରିବାକୁ କେବେ ବି ପଛାନ୍ତିନି । ହେଲେ କେବେ ଭାବିଚନ୍ତି ଏହି ଚର୍ଚ୍ଚିତ ଦମ୍ପତ୍ତିଙ୍କ (Virat and Anushka) ସୁରକ୍ଷାକର୍ମୀ ଅର୍ଥାତ୍ ତାଙ୍କ ବଡିଗାର୍ଡଙ୍କୁ ମାସକୁ କେତେ ଦରମା ଦିଅନ୍ତି। ତେବେ ତାଙ୍କ ଦରମା ଆଗରୁ ଚାଲନ୍ତୁ ଜାଣିବା ସେମାନଙ୍କର ସୁରକ୍ଷାକର୍ମୀ କିଏ ? ଏହି ଦମ୍ପତିଙ୍କ ସୁରକ୍ଷାକର୍ମୀଙ୍କ ନାଁ ହେଉଛି ପ୍ରକାଶ ସିଂହ (Prakash Singh)।  ଯାହାଙ୍କୁ ଲୋକମାନେ ସୋନୁ ନାମରେ ମଧ୍ୟ ଜାଣିଥାନ୍ତି । ତେବେ ଏକଥା ବି କୁହାଯାଏ ଯେ, ବିରାଟ-ଅନୁଷ୍କାଙ୍କ ବିବାହ ପୂର୍ବରୁ ହିଁ ସୋନୁ ଅନୁଷ୍କାଙ୍କ ସୁରକ୍ଷାକର୍ମୀ ଭାବେ କାର୍ଯ୍ୟରତ ଥିଲେ ।

DNA ର ଏକ ରିପୋର୍ଟ ମୁତାବିକ,  ବିରାଟ-ଅନୁଷ୍କାଙ୍କ ସୁରକ୍ଷାକର୍ମୀଙ୍କ ଦରମା ବର୍ଷକୁ ଏକ କୋଟି ୨୦ ଲକ୍ଷ । ଯଦି ଏହା ସତ ହୋଇଥାଏ ତେବେ ଏହା କହିପାରିବା ଯେ, ବଡ଼ ବଡ଼ କମ୍ପାନୀଙ୍କ ବର୍ଷକ ଦରମା ଠୁ ଢେର ଅଧିକ ବିରୁଷ୍କା (Virushka)ଙ୍କ ସୁରକ୍ଷାକର୍ମୀଙ୍କ ଦରମା । ତେବେ ନିଜ ସୁରକ୍ଷାକର୍ମୀଙ୍କ ବହୁତ ଧ୍ୟାନ ବି ରଖିଥାନ୍ତି ଏହି ଦମ୍ପତ୍ତି । ରିପୋର୍ଟ ଅନୁସାରେ, ସୋନୁଙ୍କୁ ନିଜ ପରିବାରର ଜଣେ ସଦସ୍ୟ ବୋଲି ମାନିଥାନ୍ତି ବିରାଟ ଓ ଅନୁଷ୍କା ।  

ସୋନୁଙ୍କ ସହିତ ଉଭୟଙ୍କ ଘନିଷ୍ଠତା ଏପରି ଯେ ସେମାନେ ପ୍ରତିବର୍ଷ ତାଙ୍କ ଜନ୍ମଦିନ ମଧ୍ୟ ପାଳନ କରନ୍ତି । ଖବର ଅନୁଯାୟୀ, ଅନୁଷ୍କା ଶର୍ମା (Anushka Sharma) କ୍ୟାଟ୍ରିନା କୈଫ (Katrina Kaif) ଏବଂ ଶାହରୁଖ ଖାନ (Shah Rukh Khan) ଙ୍କ ସହ ଜିରୋ ଫିଲ୍ମର ସୁଟିଂ କରୁଥିବାବେଳେ ସେ ସେଠାରେ ମଧ୍ୟ ସୋନୁଙ୍କ ଜନ୍ମଦିନ ପାଳନ କରିଥିଲେ।