South ଅଭିନେତା Siddharth କୁ ମୃତ ଘୋଷିତ କରି ନିନ୍ଦାର ଶୀକାର ହେଲା Youtube !

ନୂଆଦିଲ୍ଲୀ: ସୋସିଆଲ ମିଡିଆ ଯେତିକି ଭଲ ସେତେ ଭେଲ । ଏହାର ଅର୍ଥ କେତେବେଳେ ସୋସିଆଲ ମିଡିଆ କାହାର ଭଲ କରୁଛି ତ ଆଉ କାହାର ଖରାପ । ଏଇ ଯେମିତି ସାଉଥ ଫିଲ୍ମ ଇଣ୍ଡଷ୍ଟ୍ରିର ସୁପରଷ୍ଟାର ସିଦ୍ଧାର୍ଥଙ୍କ ବିଷୟରେ ଏଭଳି ଖବର ବ୍ୟାପିଗଲା ଯେ ତାଙ୍କ ପ୍ରଶଂସକମାନେ ବହୁତ ରାଗି ଯାଇଥିଲେ । ଏହା ଉପରେ ଅଭିନେତା ନିଜେ ଟ୍ୱିଟ କରି ଶେଷରେ ତାଙ୍କ ନାଁରେ ହୋଇଥିବା ଗୁଜବରେ ପୂର୍ଣ୍ଣଚ୍ଛେଦ ଟାଣିଛନ୍ତି । ଯାହା ପରେ ଲୋକମାନେ ଏକ ଦୀର୍ଘ ନିଶ୍ୱାସ ଛାଡ଼ିଛନ୍ତି ।

ୟୁଟ୍ୟୁବ (YouTube) ରେ ଏକ ଭିଡିଓ ସେୟାର କରାଯାଇଛି ଯେଉଁଥିରେ ଦଶ ଜଣ ଦକ୍ଷୀଣ ଭାରତୀୟ ସେଲିବ୍ରିଟିଙ୍କ ନାମ ଉଲ୍ଲେଖ କରାଯାଇଛି, ଯେଉଁମାନେ ଅଳ୍ପ ବୟସରେ ହିଁ ମୃତ୍ୟୁବରଣ କରିଛନ୍ତି । ଏହି ତାଲିକାରେ ତାମିଲ ଅଭିନେତା ସିଦ୍ଧାର୍ଥଙ୍କ ନାମ ମଧ୍ୟ ଅନ୍ତର୍ଭୁକ୍ତ ହୋଇଛି । ଜଣେ ପ୍ରଶଂସକ ସୋସିଆଲ ମିଡିଆରେ ଏହି ଭିଡିଓର ସ୍କ୍ରିନସଟ ସେୟାର କରିଛନ୍ତି । ଏହି ସ୍କ୍ରିନସଟ (ScreenShot)ରେ ଅଭିନେତ୍ରୀ ସୌନ୍ଦର୍ୟ୍ୟା, ଆରତୀ ଅଗ୍ରୱାଲ ଏବଂ ସିଦ୍ଧାର୍ଥ ନଜର ଆସିଛନ୍ତି । 

ସୂଚନାଯୋଗ୍ୟ, ଅଭିନେତ୍ରୀ ସୌନ୍ଦର୍ୟ୍ୟା ୨୦୦୪ ମସିହାରେ ମୃତ୍ୟୁ ବରଣ କରିଥିଲେ। ୨୦୧୫ ମସିହାରେ ଆରତୀ ଅଗ୍ରୱାଲଙ୍କ ମୃତ୍ୟୁ ହୋଇଛି । କିନ୍ତୁ ଅଭିନେତା ସିଦ୍ଧାର୍ଥ  (Siddharth) ଜୀବିତ ଅଛନ୍ତି। ଯେତେବେଳେ ସିଦ୍ଧାର୍ଥ ଏଭଳି ଭିଡିଓ ବିଷୟରେ ଜାଣିବାକୁ ପାଇଲେ, ସେ ୟୁଟ୍ୟୁବ (Youtube) ରେ ରିପୋର୍ଟ କରିଥିଲେ । କିନ୍ତୁ ୟୁଟ୍ୟୁବ୍ ଏହାର ଉତ୍ତରରେ କ’ଣ କହିଛି ଆପଣ ଜାଣି ଆଶ୍ଚର୍ଯ୍ୟ ହେବେ। ସିଦ୍ଧାର୍ଥଙ୍କୁ ରିପୋର୍ଟ କରିବା ଉପରେ, ୟୁଟ୍ୟୁବରୁ ଏକ ଉତ୍ତର ଆସିଛି ଯେ  ଏହି ଭିଡିଓରେ କୌଣସି ଅସୁବିଧା ନାହିଁ। 

ଅଭିନେତା ସିଦ୍ଧାର୍ଥ ସୋସିଆଲ ମିଡିଆ (Social Media) ରେ ବହୁତ ସକ୍ରିୟ ରହିଥାନ୍ତି । ସେ ସବୁ ମାମଲାରେ ନିଜ ର ସ୍ୱର ଉତ୍ତୋଳନ କରିଥାନ୍ତି । କୋରୋନା (Corona) ସମୟରେ ମଧ୍ୟ ଅନେକ ମାମଲାରେ ସେ ପ୍ରଶ୍ନ ଉଠାଇଛନ୍ତି । କେବଳ ଏତିକି ନୁହେଁ କିଛି କିଛି ମାମଲାରେ ସେ ସରକାରଙ୍କୁ ମଧ୍ୟ ଟାର୍ଗେଟ କରିଛନ୍ତି ।