ମଦ ବେପାର ପାଲଟିଲା କାଳ, ଝିଅକୁ ହତ୍ୟା ପାଇଁ ମା'ର ସୁପାରୀ

ବାଲେଶ୍ୱର: ବାଲେଶ୍ୱରର ଚର୍ଚ୍ଚିତ ଶିବାନୀ ହତ୍ୟାକାଣ୍ଡର (Balasore Shibani Murder Case) ଗୁମର ଖୋଲିଛି ପୋଲିସ। ଘଟଣାରେ ଦୁଇ ଜଣଙ୍କୁ ଗିରଫ କରିବା ସହିତ ହତ୍ୟାକାଣ୍ଡ ପଛର ରହସ୍ୟ ଉପରୁ ମଧ୍ୟ ପରଦା ହଟାଇଛି । ଏହି ହତ୍ୟାକାଣ୍ଡରେ ନିଜ ବିବାହିତ ଝିଅକୁ ମାରିବା ପାଇଁ ମା' ସୁପାରୀ ଦେଇଥିବା ନେଇ ପୋଲିସ ପ୍ରକାଶ କରିଛି । 

ଅଧିକ ପଢନ୍ତୁ: ଭାଙ୍ଗିଯିବ କି ଶିବରାଜ ସରକାର?

ଝିଅକୁ ମାରିବା ପାଇଁ ମା'ର ସୁପାରୀ। ୩୬ ବର୍ଷର ବିବାହିତ ଝିଅକୁ ମାରିବା ପାଇଁ ୫୮ ବର୍ଷୀୟ ମା' ଦେଇଥିଲା ସୁପାରୀ । ବାଲେଶ୍ବର ସଦର ଥାନା ଅନ୍ତର୍ଗତ ନଗ୍ରମ ଅଞ୍ଚଳରେ ମହିଳାଙ୍କୁ ହତ୍ୟା ଘଟଣାରେ ସଦର ଥାନା ପୋଲିସ ଦ୍ୱାରା ଦୁଇ ଜଣ ଗିରଫ ହୋଇଛନ୍ତି । ଆଉ ଗିରଫ ପରେ ଖୋଲିଛି ଘଟଣାର ସାଙ୍ଘାତିକ କାରଣ ।

ମଦ ବ୍ୟାପାରକୁ ନେଇ ସୁପାରୀ ଦିଆଯାଇ ମହିଳା ଶିବାନୀ ନାୟକଙ୍କୁ ହତ୍ୟା କରାଯାଇଥିବା ପୋଲିସ ର ସାମ୍ବାଦିକ ସମ୍ମିଳନୀରେ ସୂଚନା ଦେଇଛି। ତେବେ ଘଟଣା ଅନୁସାରେ ସଦର ଥାନା ରାଇସୁଆଁ ଅଞ୍ଚଳର ଶିବାନୀ ନାୟକ ବିବାହ ପରେ ବାପ ଘରେ ରହୁଥିଲେ। ସେହିପରି ଶିବାନୀଙ୍କର ଦୁଇ ପୁଅ ଓ ଝିଅ ମଧ୍ୟ ରହିଛନ୍ତି । ତେବେ ଶିବାନୀ ଦୀର୍ଘଦିନ ଧରି ମଦ ବ୍ୟବସାୟରେ ରହିଥିବା ବେଳେ ତାଙ୍କର ମା' ବାରମ୍ବାର ମନା କରିବା ପରେ ମଧ୍ୟ ମାନି ନଥିଲେ। 

ଅଧିକ ପଢନ୍ତୁ: ସୁରଙ୍କ ତୁଣ୍ଡର ଟାଣୁଆ ବାଣୀ: ପାଣ୍ଡିଆନ ତମେ କି ଭାଗ୍ୟ ପାଇଛ ହୋ....

ଫଳରେ ନାତି ନାତୁଣୀଙ୍କ ଉପରେ କୁପ୍ରଭାଵ ପଡ଼ିବା ସନ୍ଦେହରେ ୫୦ ହଜାର ଟଙ୍କା ସୁପାରୀ ଦେଇଥିଲେ ମା ସୁକାନ୍ତି ଗିରି । ତେବେ ଗିରଫ ଦୁଇ ଜଣ ହେଲେ ପ୍ରମୋଦ ଜେନା ଓ ସୁକାନ୍ତି ଗିରି। ଅନ୍ୟ ଦୁଇ ଅଭିଯୁକ୍ତ ଫେରାର ଅଛନ୍ତି। ଏହି ହତ୍ୟା ଘଟଣାରେ ୫୦ହଜାର ଟଙ୍କା ଡିଲ ହୋଇଥିବା ବେଳେ ୮ହଜାର ଟଙ୍କା ଦିଆଯାଇଥିଲା ।