ପଥର କୁଆଁରୀ ନିକଟରେ ବିସ୍ଫୋରଣ; ୨ ମୃତ, ୩ ଗୁରୁତର

ବ୍ରହ୍ମପୁର: ଜିଲ୍ଲାର କୁକୁଡ଼ା ଖଣ୍ଡି ପଥର କୁଆଁରୀ ନିକଟରେ ବଡ ଧରଣର ବିସ୍ଫୋରଣ ଘଟିଛି। ଏଥିରେ ଏକାଧିକଙ୍କ ମୃତ୍ଯୁ ହୋଇଥିବା ବେଳେ ୫ରୁ ଅଧିକ ଗୁରୁତର ଆହତ ହୋଇଛନ୍ତି। ଗୁରୁତରଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ବ୍ରହ୍ମପୁର ବଡ ମେଡିକାଲ ସ୍ଥାନାନ୍ତର କରାଯାଉଛି। 

କୁକୁଡ଼ା ଖଣ୍ଡି ପଥର କୁଆଁରୀ ନିକଟରେ ଆଜି ସକାଳେ ବଡ ଧରଣର ବିସ୍ଫୋରଣ (quarry blast) ଘଟିଛି। ଏହି ବିସ୍ଫୋରଣରେ ୨ ଜଣଙ୍କ ମୃତ୍ୟୁ ହୋଇଛି। କିନ୍ତୁ ବର୍ତ୍ତମାନ ସୁଦ୍ଧା ପ୍ରଶାସନ ପକ୍ଷରୁ ମୃତକଙ୍କ ସଂଖ୍ୟା ସ୍ପଷ୍ଟ କରାଯାଇ ନାହିଁ। ସେପେଟେ ୫ରୁ ଊର୍ଦ୍ଧ୍ୱ ଗୁରୁତରଙ୍କୁ ଉଦ୍ଧାର କରି MKCG ସ୍ଥାନାନ୍ତର କରାଯାଇଥିବା ସୂଚନା ମିଳିଛି।

କୁକୁଡ଼ାଖଣ୍ଡି ଗାଁ ନିକଟସ୍ଥ ପଥର କୁଆଁରୀ ନିକଟରେ ଥିବା ଗୋଟିଏ ଘର ଭିତରେ ବିସ୍ଫୋରଣ ଘଟିଥିବା ସୂଚନା ମିଳିଛି। ବିସ୍ଫୋରଣସ୍ଥଳରେ ଜଣଙ୍କର ଓ ହସ୍ପିଟାଲରେ ଅନ୍ୟ ଜଣଙ୍କର ମୃତ୍ୟୁ ହୋଇଛି। ତେବେ ବର୍ତ୍ତମାନ ସୁଦ୍ଧା ବିସ୍ଫୋରଣର କାରଣ ଜଣା ପଡିନାହିଁ। କିନ୍ତୁ ପଥର ବ୍ଲାଷ୍ଟିଂ ପାଇଁ ରଖାଯାଇଥିବା ବାରୁଦରୁ ଏହି ବିସ୍ଫୋରଣ ହୋଇଥିବା ସନ୍ଦେହ କରାଯାଉଛି।