ସ୍ୱିସ୍ ବ୍ୟାଙ୍କରେ ଏହି ପ୍ରସିଦ୍ଧ ବ୍ୟକ୍ତିତ୍ୱମାନେ ଜମା କରି ରଖିଛନ୍ତି କୋଟି କୋଟି ଟଙ୍କା; ଜାରି ହେଲା ଖାତା ଧାରକଙ୍କ ତାଲିକା, ଆଲର୍ଟ ମୋଡରେ ଆୟକର ବିଭାଗ

Swiss Bank Account Holder List: ଖାତାଗୁଡ଼ିକର ସବିଶେଷ ତଥ୍ୟ ସେୟାର କରିଥିବାବେଳେ ଏଫଟିଆର କହିଛି ଯେ, ଏଥର ସ୍ୱିଜରଲ୍ୟାଣ୍ଡ ବ୍ୟାଙ୍କଗୁଡିକରେ ପ୍ରାୟ ୧ ଲକ୍ଷ ନୂଆ ଆକାଉଣ୍ଟ ଖୋଲାଯାଇଛି । ଏଥିରେ ବହୁ ସଂଖ୍ୟକ ଭାରତୀୟ ଆକାଉଣ୍ଟ ସହିତ ଜଡିତ ବିବରଣୀ ରହିଛି ।

ନୂଆଦିଲ୍ଲୀ: Swiss Bank Account Holder List: ସ୍ୱିସ୍ ବ୍ୟାଙ୍କ ପୁଣି ଥରେ ଭାରତୀୟ ଆକାଉଣ୍ଟଧାରୀଙ୍କ ତାଲିକା ଜାରି କରିଛି । ଯେଉଁଥିରେ ୧୦୧ ଦେଶ ସହିତ ପ୍ରାୟ ୩୪ ଲକ୍ଷ ଆର୍ଥିକ ଆକାଉଣ୍ଟର ବିବରଣୀ ଦିଆଯାଇଛି । ଅନ୍ୟପକ୍ଷରେ, ତାଲିକା ପ୍ରକାଶ ପାଇବା ମାତ୍ରେ ଦେଶରେ ପୁଣି ହଇଚଇ ସୃଷ୍ଟି ହୋଇଛି । ଏଥିସହିତ ଆୟକର ବିଭାଗ ମଧ୍ୟ ଆଲର୍ଟ ହୋଇପଡିଛି । ପିଟିଆଇ ଅନୁଯାୟୀ, ସ୍ୱିସ୍ ବ୍ୟାଙ୍କ (Swiss Bank) ଦ୍ୱାରା ଭାରତ (India) ସହ ସେୟାର ହୋଇଥିବା ଚତୁର୍ଥ ସେଟରେ ଶହ ଶହ ଆର୍ଥିକ ଆକାଉଣ୍ଟର ସମ୍ପୂର୍ଣ୍ଣ ତଥ୍ୟ ରହିଛି । 

ଏଥିରେ କିଛି ବ୍ୟକ୍ତି ବିଶେଷ, କର୍ପୋରେଟ୍ ଏବଂ ଟ୍ରଷ୍ଟ ସହିତ ଜଡିତ ଆକାଉଣ୍ଟ୍ ସାମିଲ ରହିଛି । ରିପୋର୍ଟ ଅନୁଯାୟୀ, ଏହି ବିନିମୟ ଅଧୀନରେ ୧୦୧ ଦେଶ ସହିତ ପ୍ରାୟ ୩୪ ଲକ୍ଷ ଆକାଉଣ୍ଟ୍ ବିବରଣୀ ସେୟାର କରାଯାଇଛି । ଯଦିଓ ଏହା କୁହାଯାଇ ନାହିଁ ଯେ ଏହି ଆକାଉଣ୍ଟରେ କଳା ଟଙ୍କା ଜମା ହୋଇଛି, କିନ୍ତୁ ଏହା ଉପରେ ସନ୍ଦେହ ସୃଷ୍ଟି ହୋଇଛି । ଏଥି ସହିତ ଚତୁର୍ଥ ତାଲିକା ପ୍ରକାଶ ପାଇବା ପରେ ଆୟକର ବିଭାଗର ଅଧିକାରୀମାନେ ଆଲର୍ଟ ମୋଡରେ ଅଛନ୍ତି ।

ଚତୁର୍ଥ ତାଲିକା ପ୍ରକାଶ ପାଇବା ସହିତ ଏକ ବଡ଼ ଖୁଲାସା ହୋଇଛି ।  ସ୍ୱିସ୍ ବ୍ୟାଙ୍କଗୁଡିକରେ ଆକାଉଣ୍ଟ୍ ଶୀଘ୍ର ଖୋଲାଯାଇଛି । ଖାତାଗୁଡ଼ିକର ସବିଶେଷ ତଥ୍ୟ ସେୟାର କରିଥିବାବେଳେ ଏଫଟିଆର କହିଛି ଯେ, ଏଥର ସ୍ୱିଜରଲ୍ୟାଣ୍ଡ ବ୍ୟାଙ୍କଗୁଡିକରେ ପ୍ରାୟ ୧ ଲକ୍ଷ ନୂଆ ଆକାଉଣ୍ଟ ଖୋଲାଯାଇଛି । ଏଥିରେ ବହୁ ସଂଖ୍ୟକ ଭାରତୀୟ ଆକାଉଣ୍ଟ ସହିତ ଜଡିତ ବିବରଣୀ ରହିଛି । ସେଥିମଧ୍ୟରୁ ବଡ଼ ବଡ଼ ଅନୁଷ୍ଠାନ, ବ୍ୟବସାୟ ପ୍ରତିଷ୍ଠାନ ଏବଂ ଦେଶର ବ୍ୟକ୍ତିବିଶେଷଙ୍କ ସହ ଜଡିତ ରହିଛି । ସବିଶେଷ ତଥ୍ୟ, ଆକାଉଣ୍ଟ ଧାରକଙ୍କ ନାମ, ଠିକଣା, ବାସସ୍ଥାନ ଏବଂ ଅନ୍ୟାନ୍ୟ ଆର୍ଥିକ ସୂଚନା ପ୍ରଦାନ କରାଯାଇଛି । ଏହି ଖୁଲାସା ସହିତ ଦେଶରେ ଏହି ପ୍ରସଙ୍ଗ ପୁଣି ଗରମ ହେବାକୁ ଯାଉଛି ।

ଅଧିକ ପଢ଼ନ୍ତୁ:-'ଟ୍ରେନର ଏସି ବଗିରେ କରିପାରିବେ ସେକ୍ସ', ରେଲୱେ ଦେଉଛି ଖାସ୍ ସୁବିଧା!

ଅଧିକ ପଢ଼ନ୍ତୁ:-ଖୁସି ଖବର: ପାର୍ବଣ ଋତୁରେ ସୁନା ହେଲା ବହୁତ ଶସ୍ତା ତ ରୁପା ମୂଲ୍ୟରେ ବି ହ୍ରାସ

ଅଧିକ ପଢ଼ନ୍ତୁ:-ଟି-୨୦ ବିଶ୍ୱକପରେ ରବିନ୍ଦ୍ର ଜାଡେଜାଙ୍କ ଅଭାବ ପୂରଣ କରିପାରିବେ ଏହି ବୋଲର, ଚହଲ କହିଲେ ନାମ

ଉଲ୍ଲେଖନୀୟ କଥା ହେଉଛି, ଭାରତକୁ ସେପ୍ଟେମ୍ୱର ୨୦୧୯ରେ AEOI ଅଧୀନରେ ସ୍ୱିଜରଲ୍ୟାଣ୍ଡରୁ ଆକାଉଣ୍ଟ୍ ବିବରଣୀଗୁଡିକର ପ୍ରଥମ ସେଟ୍ ମିଳିଥିଲା । ସେହି ସମୟରେ ଏହି ସୂଚନା ପ୍ରାପ୍ତ କରୁଥିବା ଦେଶ ସଂଖ୍ୟା ୭୫ ଥିଲା । ଗତ ବର୍ଷ ବିଷୟରେ କହିବାକୁ ଗଲେ, ଭାରତ ସମେତ ୮୬ଟି ଦେଶ ସହିତ ସବିଶେଷ ତଥ୍ୟ ସେୟାର କରାଯାଇଥିଲା । ଏବେ ଚତୁର୍ଥ ତାଲିକା ପ୍ରକାଶ ପାଇବା ପରେ କୁହାଯାଉଛି ଯେ ସ୍ୱିସ୍ ବ୍ୟାଙ୍କ ଜମା ଟଙ୍କା ଅର୍ଥ ହେରଫେର, ଆତଙ୍କବାଦୀ ପାଣ୍ଠିର ଯାଞ୍ଚ କରିବା ସହିତ ଟ୍ୟାକ୍ସ ଚୋରିର ଅନ୍ୟାନ୍ୟ ମାମଲାର ତଦନ୍ତ ପାଇଁ ବ୍ୟବହାର କରାଯାଇପାରିବ । ବର୍ତ୍ତମାନ ଆୟକର ବିଭାଗ ଏହି ଆକାଉଣ୍ଟଗୁଡିକ ଉପରେ ନଜର ରଖିବ ।