Sambalpur: ନବଙ୍କ ମୃତ୍ୟୁରେ ଫିକା ପଡ଼ିଲା କୃଷି ମେଳା !

Sambalpur: ଖାଁ ଖାଁ ପଡ଼ିଛି ପୂରା କୃଷି ମେଳା । ଦୁଇ ତିନି ଦିନ ହେବ ଲୋକ ଦେଖାଯାଉ ନାହାନ୍ତି । ମୁଣ୍ଡରେ ହାତ ଦେଇ ବସିଛନ୍ତି ଦୋକାନୀ । ସମ୍ବଲପୁରରେ ପ୍ରଥମ ଥର ପାଇଁ ଆୟୋଜିତ ହୋଇଥିବା ଏହି କୃଷି ମେଳାରେ ଭଲ ବ୍ୟବସାୟ ନେଇ ଆଶା କରିଥିଲେ ବ୍ୟବସାୟୀ । କିନ୍ତୁ ନବ ଦାସଙ୍କ ମୃତ୍ୟୁ ପରେ ଫିକା ପଡ଼ିଯାଇଛି ମେଳା ।

Sambalpur: ରବିବାର ଦିନ ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସଙ୍କ ମୃତ୍ୟୁରେ ତାଜୁବ ହୋଇଯାଇଥିଲା ପୂରା ରାଜ୍ୟ । ASI ଗୋପାଳ ଦାସଙ୍କ ଗୁଳି ମାଡ଼ ପରେ ଚିକିତ୍ସାଧୀନ ଅବସ୍ଥାରେ ଆଖି ବୁଜିଥିଲେ ଏହି ବରିଷ୍ଠ ରାଜନେତା । ତେବେ ନବ ଦାସଙ୍କ ମୃତ୍ୟୁର ପ୍ରଭାବରେ ଦୋହଲି ଯାଇଛି ପଶ୍ଚିମ ଓଡି଼ଶା କୃଷି ମେଳାର ବ୍ୟବସାୟ । ଖାଁ ଖାଁ ପଡ଼ିଛି ପୂରା କୃଷି ମେଳା । ଦୁଇ ତିନି ଦିନ ଦେଖାଯାଉ ନାହାନ୍ତି ଲୋକେ । ମୁଣ୍ଡରେ ହାତ ଦେଇ ବସିଛନ୍ତି ଦୋକାନୀ । ସମ୍ବଲପୁରରେ ପ୍ରଥମ ଥର ପାଇଁ ଆୟୋଜିତ ହୋଇଥିବା ଏହି କୃଷି ମେଳାରେ ଭଲ ବ୍ୟବସାୟ ନେଇ ଆଶା କରିଥିଲେ ବ୍ୟବସାୟୀ ।

ଗତ ଜାନୁୟାରୀ ୨୭ ତାରିଖରୁ ସମ୍ବଲପୁର ବିର୍ସା ମୁଣ୍ଡା ପଡି଼ଆରେ ଆରମ୍ଭ ହୋଇଥିବା କୃଷି ମେଳା ୩୧ ତାରିଖ ଅର୍ଥାତ୍ ମଙ୍ଗବାର ପର୍ଯ୍ୟନ୍ତ ଅନୁଷ୍ଠିତ ହେବ ବୋଲି ସୂଚନା ରହିଥିଲା । ପ୍ରଥମ ଦୁଇ ଦିନ ଭଲ ବ୍ୟବସାୟ ମଧ୍ୟ ହୋଇଥିଲା । କିନ୍ତୁ ରବିବାର ସ୍ୱାସ୍ଥ୍ୟ ମନ୍ତ୍ରୀଙ୍କୁ ଦେହାନ୍ତ ପରେ ଖାଲି ହୋଇଯାଇଛି କୃଷି ମେଳା । ମେଳା ପରିସର ଖାଁ ଖାଁ ଲାଗୁଥିବା ବେଳେ କଦବା କ୍ଵଚିତ ଗ୍ରାହକ ଆସୁଥିବା କହିଛନ୍ତି ଦୋକାନୀ । ରବିବାର ପରଠାରୁ ବ୍ୟବସାୟରେ ମାନ୍ଦାବସ୍ଥା ସୃଷ୍ଟି ହୋଇଛି। ବ୍ୟବସାୟୀ ମାନେ କହିଛନ୍ତି କି ଆଶା ଥିଲା ଭଲ ବ୍ୟବସାୟ ହେବ, ଭଲ ଦି ପଇସା ରୋଜଗାର ହେବ, କିନ୍ତୁ ଦୁଇ ଦିନ ହେବ ପ୍ରାୟ ଷ୍ଟଲ ଗୁଡିକ ଖାଲି ରହୁଛି । ଖୁବ କମ ଗ୍ରାହକ ଆସି କିଣା କିଣି କରୁଥିବା ଦେଖାଯାଉଛି । ସେମାନେ ଆଉ ମଧ୍ୟ କହିଛନ୍ତି ପଶ୍ଚିମ ଓଡିଶାରେ ଏହି କୃଷି ମେଳା ଆରମ୍ଭ ହୋଇଥିବାରୁ ଲୋକେ ଏହାକୁ ଖୁବ ଉପଭୋଗ କରିବା ସହ ଭଲ ବ୍ୟବସାୟ ହେବ ବୋଲି ସୋମାନେ ଆଶା କରୁଥିଲେ । ଏପରିକି ଦୁଇ ଦିନ ଭଲ ବ୍ୟବସାୟ ମଧ୍ୟ ହୋଇଥିଲା। ଆଗକୁ ଏହା ଜୋର ଧରିବ ବୋଲି ଆଶା କରାଯାଉଥିଲା । କିନ୍ତୁ ସ୍ୱାସ୍ଥ୍ୟ ମନ୍ତ୍ରୀଙ୍କ ହତ୍ୟା ପରେ ସବୁକିଛି ବଦଳିଯାଇଥିଲା । ଶୂନଶାନ୍ ହୋଇଯାଇଥିଲା ସମଗ୍ର ଅଞ୍ଚଳ ।

ଭଳି କି ଭଳି କୃଷି ଉପକରଣ ସହ ଟ୍ରାକ୍ଟର, କୃଷି ଯନ୍ତ୍ରପାତି କ୍ରୟ ବିକ୍ରୟ ପାଇଁ ରଖାଯାଇଥିଲା। ଏହାସହ  ମିଲେଟ ମିଶନ ତରଫରୁ ବିଭିନ୍ନ ହସ୍ତ ନିର୍ମିତ ବସ୍ତ୍ର, ଖାଦ୍ୟ ପାନୀୟର ମଧ୍ୟ ବ୍ୟବସ୍ଥା କରାଯାଇଥଲା । ରଙ୍ଗ ବିରଙ୍ଗ ଫୁଲକୋବି ବିଭିନ୍ନ ପ୍ରକାର ପନିପରିବା, ବାଉଁଶ ଓ ମାଟିରେ ତିଆରି ସାମଗ୍ରୀ ମଧ୍ୟ ଏହି କୃଷି ମେଳାର ଅଙ୍ଗବର୍ଦ୍ଧନ କରିଥିଲା। କିନ୍ତୁ ନବ ଦାସଙ୍କ ହତ୍ୟା ପରେ ବ୍ୟବସାୟରେ ମାନ୍ଦା ଅବସ୍ଥା ଦେଖା ଯାଇଥିବା ବ୍ୟବସାୟୀ ମାନେ ମତ ପ୍ରକାଶ କରିଛନ୍ତି ।