Lucky Zodiac Sign: ୨୧ ନଭେମ୍ୱରରେ ଗୁରୁ ପୁଷ୍ୟା ଯୋଗର ଶୁଭ ସମକକ୍ଷ, ୫ଟି ରାଶିର ଭାଗ୍ୟ ଉଜ୍ୱଳ

ମିଥୁନ ରାଶି ମିଥୁନ ରାଶିର ବ୍ୟକ୍ତିବିଶେଷଙ୍କ ପାଇଁ ଆଜି ଏକ ସ୍ୱତନ୍ତ୍ର ଦିନ ହେବାକୁ ଯାଉଛି। ମିଥୁନର ରାଶିର ବ୍ୟକ୍ତିବିଶେଷଙ୍କୁ ଆଜି ଚାରିଦିଗରୁ ଅର୍ଥ ଲାଭର ଯୋଗ ରହିଛି। ପ୍ରତିଟି କାର୍ଯ୍ୟରେ ସଫଳତା ହାସଲ କରିବେ। ବିଦ୍ୟାର୍ଥିମାନଙ୍କୁ ଶିକ୍ଷା କ୍ଷେତ୍ରରେ ଅନେକ ବାଧା ବିଘ୍ନର ସାମ୍ନା କରିବାକୁ ପଡ଼ିପାରେ। ପରିବାରରେ କୌଣସି ସଦସ୍ୟଙ୍କ ବିବାହ ଯୋଗ ରହିଛି। ବ୍ୟବସାୟ କରୁଥିବା ବ୍ୟକ୍ତିବିଶେଷଙ୍କୁ ଭାଗ୍ୟର ପୂର୍ଣ୍ଣ ସମର୍ଥନ ମିଳିବ। ଫଳରେ ଆର୍ଥିକ ସ୍ଥିତିରେ ସୁଧାର ଆସିବ। ଶ୍ୱଶୁର ଘର ପକ୍ଷରୁ ମଧ୍ୟ ସହଯୋଗ ମିଳିବ। ସରକାରୀ କାମରେ ଧାଁ ଦୌଡ଼ କରିବାକୁ ପଡିପାରେ। ସନ୍ଧ୍ୟାରେ କୌଣସି ଏକ ସମାରୋହରେ ଯିବାର ସୁଯୋଗ ମିଳିବ। 

କର୍କଟ ରାଶି କର୍କଟ ରାଶିର ବ୍ୟକ୍ତିବିଶେଷଙ୍କ ପାଇଁ ଆଜି ଦିନଟି ବେଶ ସ୍ୱତନ୍ତ୍ର ହେବାକୁ ଯାଉଛି। କର୍କଟ ରାଶିର ବ୍ୟକ୍ତିବିଶେଷ ବ୍ୟକ୍ତିତ୍ୱ ଦ୍ୱାରା ଅନ୍ୟମାନଙ୍କୁ ପ୍ରଭାବିତ କରିବେ। ପୂର୍ବ ଅପେକ୍ଷା ଆପଣଙ୍କ କାମ କରିବାର ଶୈଳୀରେ ଉନ୍ନତି ଆସିବ। ବରିଷ୍ଠ ଅଧିକାରୀଙ୍କ ସହଯୋଗରେ ଦୀର୍ଘ ଦିନରୁ ଅଟକି ଥିବା କାର୍ଯ୍ୟ ଶେଷ ହେବ। ବ୍ୟବସାୟୀମାନେ ନେତୃତ୍ୱନେବାର ସୁଯୋଗ ପାଇବେ। ବ୍ୟବସାୟରେ ନୂତନ କୌଶଳ ବଳରେ ମୋଟା ଅଙ୍କର ଲାଭ କମାଇବେ। କୋର୍ଟ କଚେରୀ ମାମଲାରେ ମଧ୍ୟ ଆପଣଙ୍କୁ ସଫଳତା ମିଳିବ। ଶ୍ୱଶୁର ଘର ସହିତ ସମ୍ପର୍କ ମଜବୁତ ହେବ। ସନ୍ଧ୍ୟା ସମୟରେ ଧାର୍ମିକ ସ୍ଥଳ ଗସ୍ତ କରିବେ। 

ତୁଳା ରାଶି ତୁଳା ରାଶିର ବ୍ୟକ୍ତିବିଶେଷଙ୍କୁ ବିଶେଷ ଫଳପ୍ରଦ ହେବାକୁ ଯାଉଛି। ତୁଳା ରାଶିର ବ୍ୟକ୍ତିବିଶେଷଙ୍କ ପୁରୁଷାର୍ଥ ଓ ପରାକ୍ରମ ବୃଦ୍ଧି ହେବ। ଭଗବାନ ବିଷ୍ଣୁଙ୍କ କୃପାରୁ ମନୋସ୍କାମନା ପୁରଣ ହେବ। ଗୁରୁପୁଷ୍ୟା ଯୋଗ ନିକଟରେ ଶୁଭ ପ୍ରଭାବରୁ ଆର୍ଥିକ ଦୃଷ୍ଟିକୋଣରୁ ଆଜି ଦିନଟି ବେଶ ସକରାତ୍ମକ ରହିବ। ଆୟରେ ବୃଦ୍ଧି ହେବ। ବ୍ୟବସାୟୀମାନେ ନୂତନ ଯୋଜନା ଅନୁଯାୟୀ କାର୍ଯ୍ୟ କରିବେ। ସମାଜରେ ଆପଣଙ୍କ ସମ୍ମାନ ବୃଦ୍ଧି ପାଇବ। ପରିବାରର ସଦସ୍ୟଙ୍କ ସହିତ ଧାର୍ମିକ ସ୍ଥଳ ଗସ୍ତ କରିପାରନ୍ତି। ସନ୍ଧ୍ୟାରେ ଜୀବନସାଥୀଙ୍କ ସହିତ କୌଣସି କାର୍ଯ୍ୟକ୍ରମରେ ଯୋଗଦେଇପାରନ୍ତି। 

କୁମ୍ଭ ରାଶି କୁମ୍ଭ ରାଶିର ବ୍ୟକ୍ତିବିଶେଷଙ୍କ ପାଇଁ ଦିନଟି ବେଶ ଉତ୍ସାହ ବର୍ଦ୍ଧକ ରହିବ। କୁମ୍ଭ ରାଶିର ବ୍ୟକ୍ତିବିଶେଷଙ୍କୁ ଆଜି ସମସ୍ତ କାର୍ଯ୍ୟରେ ସଫଳତା ମିଳିବ। ଆର୍ଥିକ ସ୍ଥିତିରେ ସୁଧାର ଆସିବ। ଆଜି ଆପଣ ବେଶ ପ୍ରସନ୍ନ ଓ ସନ୍ତୋଷ ଜନକ ରହିବେ। ଚାକିରିରେ ପରିବର୍ତ୍ତନ କରିବାକୁ ଚାହୁଁଥିଲେ ତେବେ ଏଥିରେ ଆପଣଙ୍କୁ ସଫଳତା ମିଳିବ। ନୂତନ କର୍ମକ୍ଷେତ୍ରରୁ ଚାକିରି ପାଇଁ ଅଫର ଆସିପାରେ। ନିବେଶରୁ ମୋଟା ଅଙ୍କର ଲାଭ କମାଇବେ। ଘରେ ଯଦି କୌଣସି ବିବାଦ ଲାଗି ରହିଥାଏ ତେବେ ତାହାର ସମାଧାନ ହେବ। ସନ୍ଧ୍ୟାରେ ବନ୍ଧୁ ପରିଜନଙ୍କ ନିକଟରୁ ଖୁସି ଖବର ମିଳିପାରେ। 

ମୀନ ରାଶି ମୀନ ରାଶିର ବ୍ୟକ୍ତିବିଶେଷଙ୍କ ପାଇଁ ଦିନଟି ବେଶ ସକରାତ୍ମକ ରହିବାକୁ ଯାଉଛି। ମୀନ ରାଶିର ବ୍ୟକ୍ତିବିଶେଷମାନେ ଆଜି ଭଗବାନ ବିଷ୍ଣୁଙ୍କ କୃପା ଲାଭ କରିବେ। ଫଳରେ ଅଟକି ଥିବା ଧନରାଶି ଫେରିପାଇବେ। ସନ୍ତାନମାନଙ୍କ ନିକଟରୁ ଆଜି ଖୁସି ଖବର ପାଇପାରନ୍ତି। ଛାତ୍ରଛାତ୍ରୀମାନଙ୍କୁ ଉଚ୍ଚଶିକ୍ଷା ଲାଭର ସୁଯୋଗ ମିଳିବ। ବିଦେଶ ଯାତ୍ରାର ଯୋଗ ରହିଛି। ବ୍ୟବସାୟ ଆରମ୍ଭ କରିବାର ଏକ ଭଲ ଦିନ। ନୂତନ ଗୃହ ପ୍ରବେଶ ପାଇଁ ଆଜିର ଦିନଟି ବେଶ ଶୁଭ ରହିବ। ପରିବାରରେ ମାଙ୍ଗଳିକ କାର୍ଯ୍ୟ ହେବାର ଯୋଗ ରହିଛି। ବିବାହ ଯୋଗ ମଧ୍ୟ ରହିଛି। ବିବାଦର ଅନ୍ତ ଘଟିବ। ସନ୍ଧ୍ୟାରେ ବନ୍ଧୁଙ୍କ ଘରକୁ ବୁଲିବାକୁ ଯାଇପାରନ୍ତି। 

ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ,ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬ 

Disclamer:ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।