Asaduddin Owaisi Attack: ଅସଦୁଦ୍ଦିନ ଓୱେସିଙ୍କୁ ସରକାର ଦେବେ Z କେଟେଗୋରି ସୁରକ୍ଷା

Asaduddin Owaisi security: ଯଦିଓ ଆକ୍ରମଣ ପରେ ଅସଦୁଦ୍ଦିନ ଓୱେସି ସ୍ପଷ୍ଟ କରିଛନ୍ତି ଯେ ସେ କୌଣସି ପ୍ରକାରର ସୁରକ୍ଷା ନେବେ ନାହିଁ ।

Asaduddin Owaisi security: ନିକଟରେ AIMIM ସାଂସଦ ଅସଦୁଦ୍ଦିନ ଓୱେସିଙ୍କ (Asaduddin Owaisi) କାର ଉପରେ ଗୁଳିମାଡ଼ ହୋଇଥିଲା । ୟୁପିରେ ଏକ ଟୋଲ୍ ପ୍ଲାଜା ଦେଇ ଯାଉଥିବାବେଳେ ତାଙ୍କୁ ଆକ୍ରମଣ କରାଯାଇଥିଲା । ଯଦିଓ ଓୱେସି ଏହି ସମୟରେ କୌଣସି ଆଘାତ ପାଇନଥିଲେ । ବର୍ତ୍ତମାନ କୁହାଯାଉଛି ଯେ ଓୱେସିଙ୍କୁ କେନ୍ଦ୍ର ସରକାର ସୁରକ୍ଷା ଦେବାକୁ ଯାଉଛନ୍ତି ।

ଆକ୍ରମଣ ପରେ ମିଳିବ ସୁରକ୍ଷା
ନ୍ୟୁଜ୍ ଏଜେନ୍ସି ANI ସୂତ୍ରରୁ ପ୍ରକାଶ କରଯାଇଛି ଯେ ସାଂସଦ ଅସଦୁଦ୍ଦିନ ଓୱେସିଙ୍କ ସୁରକ୍ଷା ସମୀକ୍ଷା କରାଯାଇଛି ଏବଂ ତାଙ୍କୁ ସରକାରଙ୍କ ଦ୍ୱାରା Z କେଟେଗୋରି ସୁରକ୍ଷା ଦିଆଯିବ । ଯାହା ପରେ ଓୱେସିଙ୍କ ସହିତ CRPF କର୍ମଚାରୀମାନେ ତାଙ୍କ ସୁରକ୍ଷାରେ ନିୟୋଜିତ ହେବେ ।

ସୁରକ୍ଷା ନେବାକୁ ମନା କରି ଦେଇଛନ୍ତି ଓୱେସି
ତେବେ ଆକ୍ରମଣ ପରେ ଅସଦୁଦ୍ଦିନ ଓୱେସି ସ୍ପଷ୍ଟ କରିଛନ୍ତି ଯେ ସେ କୌଣସି ପ୍ରକାରର ସୁରକ୍ଷା ନେବେ ନାହିଁ । ସେ କହିଛନ୍ତି ଯେ ୧୯୯୪ ରୁ ସେ ସକ୍ରିୟ ରାଜନୀତିରେ ଅଛନ୍ତି ଏବଂ ଆଜି ପର୍ଯ୍ୟନ୍ତ ସେ କୌଣସି ସୁରକ୍ଷା ନେଇନାହାଁନ୍ତି । ଏହି ଆକ୍ରମଣ ପରେ ସେ ସୁରକ୍ଷା ନେବେ କି ବୋଲି ପଚରାଯିବାରୁ ଓୱେସି  କହିଛନ୍ତି ଯେ ମୁଁ ଆଦୌ ସୁରକ୍ଷା ଗ୍ରହଣ କରିବି ନାହିଁ । ଏହା ସରକାରଙ୍କ ଦାୟିତ୍ୱ ମୋତେ ନିରାପଦ ମନେ କରାଇବା ।

ଅଭିଯୁକ୍ତ ଯୁବକମାନଙ୍କୁ ପଚରାଉଚରା କରୁଛି ପୋଲିସ 
କହି ରଖୁଛୁ ଯେ ଓୱେସି ଉପରେ ଗୁଳି ଚଳାଇଥିବା ଦୁଇ ଯୁବକଙ୍କୁ ପୋଲିସ ଗିରଫ କରିଛି । ଯେଉଁମାନେ ଲଗାତାର ପଚରାଉଚରା କରାଯାଉଛି । ୟୁପି ପୋଲିସର ଏଡିଜି ଆଇନ ଏବଂ ନିର୍ଦ୍ଦେଶ ପ୍ରଶାନ୍ତ କୁମାର କହିଛନ୍ତି ଯେ ପ୍ରାରମ୍ଭିକ ପଚରାଉଚରା ବେଳେ ଅଭିଯୁକ୍ତମାନେ କହିଛନ୍ତି ଯେ ସେମାନେ ଓୱେସିଙ୍କ ଭାଷଣକୁ ନେଇ ରାଗିଛନ୍ତି । ତେବେ ପୋଲିସ ଅଧିକ ତଦନ୍ତ କରୁଛି । ଅନ୍ୟପକ୍ଷରେ, ଓୱେସି କହିଛନ୍ତି ଯେ ଏହା ତାଙ୍କ ବିରୁଦ୍ଧରେ ଏକ ବଡ ଷଡଯନ୍ତ୍ର ହୋଇପାରେ, ଯାହାକୁ ପୋଲିସ ଯାଞ୍ଚ କରିବା ଉଚିତ । କେବଳ ଏହି ପୁଅମାନେ ଏତେ ବଡ ପଦକ୍ଷେପ ନେଇପାରିବେ ନାହିଁ । ସେମାନଙ୍କ ପଛରେ ଥିବା ଶକ୍ତିଗୁଡ଼ିକୁ ସାମ୍ନାକୁ ଆଣିବା ଆବଶ୍ୟକ ।"