IPL-2022ରେ ୧୦ ଟିମ୍, ଅଲମ୍ପିକରେ ସାମିଲ ହେବ କ୍ରିକେଟ!

ନୂଆଦିଲ୍ଲୀ: ଗୁରୁବାର ଅହମ୍ମଦାବାଦରେ BCCIର ପରିଚାଳନା କମିଟିର ୮୯ତମ ବାର୍ଷିକ ସାଧାରଣ ସଭା (AGM) ବସିଛି। କୋରୋନା ସଂକ୍ରମଣ ପାଇଁ ପ୍ରଥମ ଥର ଏହାକୁ ଭର୍ଚୁଆଲ ଆୟୋଜନ କରାଯାଇଛି। ଏହି ବୈଠକରେ IPL ଆୟୋଜନକୁ ନେଇ ଆଲୋଚନା କରାଯାଇଥିଲା। ତେବେ ୨୦୨୨ IPLରେ ୮ ବଦଳରେ ୧୦ ଟିମକୁ ସାମିଲ କରାଯିବ ବୋଲି ନିଷ୍ପତ୍ତି ନିଆଯାଇଛି।

BCCI ଅଧିକାରୀ କହିଛନ୍ତି, "୨୦୨୨ ମସିହାରୁ, ୮ ପରିବର୍ତ୍ତେ IPL ରେ ୧୦ଟି ଦଳ ଅନ୍ତର୍ଭୁକ୍ତ ହେବ। ଗୁରୁବାର AGMରେ ଆଉ ଦୁଇଟି ଦଳକୁ ଅନୁମୋଦନ ମିଳିଛି। ୨୦୨୮  ଲସ୍ ଆଞ୍ଜେଲସ୍ ଅଲିମ୍ପିକ୍ସରେ କ୍ରିକେଟକୁ ସାମିଲ କରିବା ପ୍ରସ୍ତାବକୁ ବୈଠକରେ ନିଷ୍ପତ୍ତି ନିଆଯାଇଛି। କିନ୍ତୁ ଏଥିପାଇଁ ଆନ୍ତର୍ଜାତୀୟ ଅଲିମ୍ପିକ୍ କମିଟିରୁ କିଛି ସ୍ପଷ୍ଟୀକରଣ ଆବଶ୍ୟକ।"

ସେହିପରି AGMରେ ନିମ୍ନ ଲିଖିତ ନିଷ୍ପତ୍ତି ମଧ୍ୟ ନିଆଯାଇଛି:-

• ମହାମାରୀ କୋରୋନା ହେତୁ ଉଭୟ ପୁରୁଷ ଏବଂ ମହିଳା ବର୍ଗର ସମସ୍ତ ପ୍ରଥମ ଶ୍ରେଣୀ ଖେଳାଳିଙ୍କୁ ଘରୋଇ ଋତୁ ପାଇଁ ଉପଯୁକ୍ତ କ୍ଷତିପୂରଣ ଦିଆଯିବ।
• ଜାନୁଆରୀ ମାସରେ ସୟଦ ମୁସ୍ତାକ ଅଲି T20 ଚାମ୍ପିଆନସିପ ସହିତ ଘରୋଇ କ୍ରିକେଟ ଆରମ୍ଭ କରିବାକୁ ବିସିସିଆଇ ଯୋଜନା କରିଛି।
• ଭେଟେରାନ କଂଗ୍ରେସ ନେତା ରାଜୀବ ଶୁକ୍ଲାଙ୍କୁ ଉତ୍ତରାଖଣ୍ଡ କ୍ରିକେଟ ବୋର୍ଡ ଉପାଧ୍ୟକ୍ଷ ଭାବେ ଚୟନ କରାଯାଇଛି।
• ICC ବୋର୍ଡ ନିର୍ଦ୍ଦେଶକ ଭାବରେ କାର୍ଯ୍ୟ ଜାରି ରଖିଥିବା ସୌରଭ ଗାଙ୍ଗୁଲି (Sourav Ganguly) ଙ୍କ ସପକ୍ଷରେ ସଧାରଣ ପରିଷଦ ନିଷ୍ପତ୍ତି ନେଇଛନ୍ତି।
• BCCI ସଚିବ ଜୟ ଶାହା (Jaya Shah) ବିକଳ୍ପ ନିର୍ଦ୍ଦେଶକ ତଥା ICC କାର୍ଯ୍ୟନିର୍ବାହୀ କମିଟିର ବୈଠକରେ ଭାରତର ପ୍ରତିନିଧି ହେବେ।