Bus-Truck Accident: ଅଧିକାରୀ ମାନେ କହିଛନ୍ତି ଯେ ଯେଉଁଠାରେ ଦୁର୍ଘଟଣା ଘଟିଥିଲା ସେହି ରାସ୍ତାରେ ବର୍ଷା ଜଳ ଜମା ହୋଇ ରହିଥିଲା । ଦୁର୍ଘଟଣା ପରେ ବସ୍ ଏକ ଆଖୁ ଗଦା ତଳେ ପୋତି ହୋଇଯାଇଥିଲା, ଫଳରେ ଉଦ୍ଧାରକାରୀ ଦଳକୁ ଆହତମାନଙ୍କୁ ହସ୍ପିଟାଲ ପହଞ୍ଚାଇବାକୁ ଅଧିକ ସମୟ ଲାଗିଥିଲା ।
Trending Photos
5
4
6
5 "ସୌ: ସୋସିଆଲ ମିଡିଆ")
Bus-Truck Accident: ପାକିସ୍ତାନର (Pakistan) ପଞ୍ଜାବ ପ୍ରଦେଶରେ ଏକ ବସ୍ ଟ୍ରକ୍ ଧକ୍କାରେ ୧୩ ଜଣଙ୍କର ମୃତ୍ୟୁ ଘଟିଛି । ଉଦ୍ଧାରକାରି ଅଧିକାରୀଙ୍କ ଅନୁଯାୟୀ ଶନିବାର ଦିନ ସନ୍ଧ୍ୟାରେ ଲାହୋରଠାରୁ (Lahore) ପ୍ରାୟ ୪୦୦ କିଲୋମିଟର ଦୂରରେ ଥିବା ରହୀମ ୟାର ଖାନ ଜିଲ୍ଲାର ବିପରୀତ ଦିଗରୁ ଆସୁଥିବା ଆଖୁ ବୋଝେଇ ଟ୍ରକ ସହ ବସ୍ ମୁହାଁମୁହିଁ ଧକ୍କା ହୋଇଥିଲା । ବସ୍ରେ ସମୁଦାୟ ୧୮ ଜଣ ଯାତ୍ରୀ ଥିଲେ ।
ଅଧିକାରୀ କହିଛନ୍ତି ଯେ 'ଦୁର୍ଘଟଣା ପରେ ଉଦ୍ଧାରକାରୀ ଦଳ ସ୍ଥାନୀୟ ଲୋକଙ୍କ ସହ ଆହତମାନଙ୍କୁ ହସ୍ପିଟାଲରେ (Hospital) ଭର୍ତ୍ତି କରିଥିଲେ, ଯେଉଁଠାରେ ୧୩ ଜଣଙ୍କର ମୃତ ଘୋଷଣା ହୋଇଥିବାବେଳେ ଅବଶିଷ୍ଟ ପାଞ୍ଚ ଜଣ ଆହତଙ୍କ ଅବସ୍ଥା ଗୁରୁତର ଥିବା କୁହାଯାଉଛି । ମୃତକଙ୍କ ମଧ୍ୟରେ ମହିଳାମାନେ ମଧ୍ୟ ଅଛନ୍ତି ।'
ଅଧିକାରୀ ମାନେ କହିଛନ୍ତି ଯେ ଯେଉଁଠାରେ ଦୁର୍ଘଟଣା ଘଟିଥିଲା ସେହି ରାସ୍ତାରେ ବର୍ଷା ଜଳ ଜମା ହୋଇ ରହିଥିଲା । ଦୁର୍ଘଟଣା ପରେ ବସ୍ ଏକ ଆଖୁ ଗଦା ତଳେ ପୋତି ହୋଇଯାଇଥିଲା, ଫଳରେ ଉଦ୍ଧାରକାରୀ ଦଳକୁ ଆହତମାନଙ୍କୁ ହସ୍ପିଟାଲ ନେବାକୁ ଅଧିକ ସମୟ ଲାଗିଥିଲା । ଟ୍ରକର ଡ୍ରାଇଭର ଘଟଣାସ୍ଥଳରୁ ଫେରାର ହୋଇ ଯାଇଥିଲେ, ଯାହାଙ୍କୁ ବର୍ତ୍ତମାନ ଖୋଜା ଚାଲିଛି ।
ଅନ୍ୟପକ୍ଷରେ ଶନିବାର ଦିନ ପାକିସ୍ତାନରୁ ଆଉ ଏକ ଭୟାନକ ଖାଇବର ପକ୍ତୁନଖ୍ୱା ପ୍ରଦେଶରେ ହୋଇଥିବା ଲ୍ୟାଣ୍ଡମାଇନ ବିସ୍ଫୋରଣରେ ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ପାଞ୍ଚ ଜଣ ଆହତ ହୋଇଛନ୍ତି । ଉତ୍ତର ୱାଜିରିସ୍ତାନର ମିର ଅଲି ତହସିଲ ଅଞ୍ଚଳରେ ଏହି ଘଟଣା ଘଟିଥିବା ଜଣେ ପୋଲିସ ଅଧିକାରୀ କହିଛନ୍ତି । ସେ କହିଛନ୍ତି ଯେ ଏକ ବାଇକ୍ ବାରୁଦ ଥିବା ସୁଡ଼ଙ୍ଗକୁ ଧକ୍କା ଦେଇଥିଲା, ଯାହାଦ୍ୱାରା ଦୁଇ ଚକିଆ ଯାନରେ ଚାଳକ ସହ ବସିଥିବା ଲୋକ ପ୍ରାଣ ହରାଇ ଥିଲେ ।
ପାକିସ୍ତାନରେ ସଡକ ଦୁର୍ଘଟଣା ବାରମ୍ବାର ଘଟି ଚାଲିଛି । ପାକିସ୍ତାନର ଜଣେ ଅଧିକାରୀଙ୍କ ଅନୁସାରେ ଭିତ୍ତିଭୂମି, ଭାରି ଯାନ ଓ ଟ୍ରାଫିକ ନିୟମ ପାଳନ ନକରିବା ପାଇଁ ଏହିପରି ପରିସ୍ଥିତି ସୃଷ୍ଟି ହେଉଛି ।
ଏହା ବି ପଢ଼ନ୍ତୁ: ଭାରତର ଅପରାଧୀଙ୍କୁ କାହିଁକି ରକ୍ଷା କରୁଛି ଡ୍ରାଗନ୍? ଚୀନ୍ ରାଷ୍ଟ୍ରଦୂତ ଦେଲେ ଆଶ୍ଚର୍ଯ୍ୟଜନକ ଜବାବ
ଏହା ବି ପଢ଼ନ୍ତୁ: ଭାରତରେ ପ୍ରଥମ ଥର ସୈନ୍ୟଭ୍ୟାସ କରିବ ପାକିସ୍ତାନ ସେନା; ଏହା ରହିଛି କାରଣ
