୭ ଜୁନର ଏହି ଆଦେଶ ଅନୁଯାୟୀ ଯଦି ଜଣେ ସରକାରୀ କର୍ମଚାରୀଙ୍କ ପିତାମାତା କିମ୍ବା ନିର୍ଭରଶୀଳ ପରିବାର ସଦସ୍ୟ କୋଭିଡ ଦ୍ୱାରା ସଂକ୍ରମିତ ହୋଇଥିବେ, ତେବେ ତାଙ୍କୁ ୧୫ ଦିନର ଏକ ସ୍ୱତନ୍ତ୍ର କାଜୁଆଲ୍ ଲିଭ୍ (Casual leave) ମିଳିବ ।
Trending Photos
12
12
12
6 "ପ୍ରତୀକାତ୍ମକ ଛବି")
ନୂଆ ଦିଲ୍ଲୀ: କେନ୍ଦ୍ର ସରକାର କର୍ମଚାରୀଙ୍କ (Central government employees) ପିତାମାତା କିମ୍ବା କୌଣସି ନିର୍ଭରଶୀଳ ପରିବାର ସଦସ୍ୟ ଯଦି କରୋନା ଭୂତାଣୁରେ ସଂକ୍ରମିତ ହୁଅନ୍ତି, ତେବେ ସେ ୧୫ ଦିନିଆ ସ୍ୱତନ୍ତ୍ର କାଜୁଆଲ୍ ଲିଭ୍ (SCL) ପାଇଁ ଯୋଗ୍ୟ ହେବେ । ଏ ସମ୍ପର୍କରେ କର୍ମଚାରୀ ମନ୍ତ୍ରଣାଳୟ (Ministry of Personnel) ଏକ ନିର୍ଦ୍ଦେଶାନାମା ଜାରି କରିଛନ୍ତି ।
ଏହି ଆଦେଶରେ କୁହାଯାଇଛି, "ଯଦି କୌଣସି ପରିବାର ସଦସ୍ୟ / ପିତାମାତାଙ୍କୁ ହସ୍ପିଟାଲରେ (Hospital) ଭର୍ତ୍ତି କରାଯିବା ଆବଶ୍ୟକ ଓ ଏହି ୧୫ ଦିନିଆ SCL ସମାପ୍ତ ହୋଇଛି, ତେବେ ଏପରି ପରିସ୍ଥିତିରେ ସେହି ସରକାରୀ କର୍ମଚାରୀଙ୍କୁ ତାଙ୍କ ସମ୍ପର୍କୀୟଙ୍କ ହସ୍ପିଟାଲରୁ ଡିସଚାର୍ଜ ନ ହେବା ପର୍ଯ୍ୟନ୍ତ ଅନ୍ୟ କୌଣସି ଛୁଟି (Leave) ଦିଆଯାଇପାରେ ।
କୋଭିଡ ମହାମାରୀ (Corona pandemic) ସମୟରେ ଚିକିତ୍ସା, ହସ୍ପିଟାଲରେ ଭର୍ତ୍ତି, କ୍ୱାରେଣ୍ଟିନ ଇତ୍ୟାଦି ସମ୍ବନ୍ଧରେ ବିଭିନ୍ନ ପ୍ରଶ୍ନ ଉପରେ ମନ୍ତ୍ରଣାଳୟ ବିସ୍ତୃତ ନିର୍ଦ୍ଦେଶ ଜାରି କରିଛି । ଏହା ମଧ୍ୟ ସରକାରୀ କର୍ମଚାରୀଙ୍କ ସମ୍ମୁଖୀନ ହେଉଥିବା ସମସ୍ୟାକୁ ଧ୍ୟାନରେ ରଖିଛି । ଏହି ନିର୍ଦ୍ଦେଶରେ କୁହାଯାଇଛି ଯେ ଯଦି ଜଣେ ସରକାରୀ କର୍ମଚାରୀ କୋଭିଡ -୧୯ ସଂକ୍ରମିତ ହୋଇ ଘରେ କିମ୍ବା କୌଣସି ସ୍ଥାନରେ କ୍ୱାରେଣ୍ଟିନରେ ଅଛନ୍ତି, ତା’ହେଲେ ତାଙ୍କୁ ୨୦ ଦିନ ଛୁଟି ଦିଆଯିବ ।
ଅଧିକ ପଢ଼ନ୍ତୁ: ରାଜନୈତିକ ମୈଦାନର ଅପରାଜିତ ଯୋଦ୍ଧା ନନ୍ଦନୀ ଶତପଥୀ
ଏଥିରେ ଦର୍ଶାଯାଇଛି ଯେ ଯଦି ଜଣେ ସରକାରୀ କର୍ମଚାରୀ (Central government employees) କୋଭିଡ -୧୯ (COVID-19) ସଂକ୍ରମିତ ହୋଇ ଘର କ୍ୱାରେଣ୍ଟିନରେ ଅଛନ୍ତି କିମ୍ବା ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି, ତେବେ ତାଙ୍କୁ ଛୁଟି / SCL / ରୋଜଗାର ଛୁଟି ମିଳିବ ।
କେନ୍ଦ୍ର ସରକାରଙ୍କ ସମସ୍ତ ମନ୍ତ୍ରଣାଳୟ ପାଇଁ ଜାରି କରାଯାଇଥିବା ଏହି ଆଦେଶରେ କୁହାଯାଇଛି ଯେ କୋଭିଡ ସଂକ୍ରମିତ ହେବାର ୨୦ ଦିନ ପରେ ମଧ୍ୟ ଯଦି ଜଣେ ସରକାରୀ କର୍ମଚାରୀଙ୍କୁ ଯଦି ହସ୍ପିଟାଲରେ ରଖିବାକୁ ପଡେ ତେବେ ଏହି ସମ୍ବନ୍ଧରେ ଡକ୍ୟୁମେଣ୍ଟାରୀ ପ୍ରମାଣର ଆଧାରରେ ସେ ଛୁଟି ପାଇପାରିବେ ।"
ଅଧିକ ପଢ଼ନ୍ତୁ: ଦେଶର କୃଷକମାନଙ୍କୁ ମୋଦୀ ସରକାରଙ୍କ ଉପହାର, ଖରିଫ ଫସଲ ଉପରେ ବଢ଼ିଲା MSP
୭ ଜୁନର ଏହି ଆଦେଶ ଅନୁଯାୟୀ ଯଦି ଜଣେ ସରକାରୀ କର୍ମଚାରୀଙ୍କ ପିତାମାତା କିମ୍ବା ନିର୍ଭରଶୀଳ ପରିବାର ସଦସ୍ୟ କୋଭିଡ ଦ୍ୱାରା ସଂକ୍ରମିତ ହୋଇଥିବେ, ତେବେ ତାଙ୍କୁ ୧୫ ଦିନର ଏକ ସ୍ୱତନ୍ତ୍ର କାଜୁଆଲ୍ ଲିଭ୍ ମିଳିବ । ଏଥିରେ ଦର୍ଶାଯାଇଛି ଯେ ଯଦି ଜଣେ ସରକାରୀ କର୍ମଚାରୀ COVID-19 ସଂକ୍ରମିତ ବ୍ୟକ୍ତିଙ୍କ ସହ ସିଧାସଳଖ ଯୋଗାଯୋଗ କରନ୍ତି ଓ ଘରେ ଆଇସୋଲେସନ ରୁହନ୍ତି, ତେବେ ତାଙ୍କୁ ସାତ ଦିନ ପର୍ଯ୍ୟନ୍ତ ଘରୁ ଡ୍ୟୁଟି / କାମ ଭାବରେ ସୁବିଧା ଦିଆଯିବ ।
